Ես՝ Թալին համայնքի ղեկավար Տավրոս Սափեյանս, հայտնում եմ, որ 2026 թվականի հոկտեմբերի 14-ին «Գնումների մասին» ՀՀ օրենքի 18-րդ հոդվածի 1-ին մասի 3-րդ ենթակետի և 5-րդ հոդվածի համաձայն՝ էլեկտրոնային եղանակով հայտարարվել է «Թալին համայնքի Դաշտադեմ բնակավայրի 4-րդ փողոցի 8 հասցեում գտնվող 500.9 քառ. մետր մակերեսով երկհարկանի շինության ապամոնտաժման աշխատանքների» ձեռքբերման նպատակով կազմակերպված «ՀՀ ԱՄ ԹՀ-ԳՀԱՇՁԲ-26/157» ծածկագրով գնանշման հարցման ընթացակարգը։
Հայտերի ներկայացման վերջնաժամկետ է սահմանվել 2026 թվականի հոկտեմբերի 21-ը՝ ժամը 16:00-ն։ Հայտերի բացումն իրականացվել է էլեկտրոնային գնումների համակարգի՝ ARMEPS-ի միջոցով։ Սահմանված ժամկետում հայտ են ներկայացրել 19 (տասնինը) մասնակից, այդ թվում՝ «ՄՈՒՐ ՍՏՐՈՅ» ՍՊԸ-ն, որի տնօրենն է Արտակ Ռազմիկի Հովհաննիսյանը։ Վերջինս միաժամանակ հանդիսանում է Թալին համայնքի ավագանու անդամ և ինձ հետ անդամակցում է նույն քաղաքական կուսակցությանը։
Որպես պատվիրատուի ղեկավար՝ հայտնում եմ, որ «ՄՈՒՐ ՍՏՐՈՅ» ՍՊԸ-ի իրական շահառուների հետ առկա են քաղաքական փոխկապակցվածություն, որոնք կարող են առաջացնել շահերի բախման իրավիճակ։
Ընկերության ներկայացրած հայտը համապատասխանում է հրավերի պահանջներին։ Գնահատող հանձնաժողովի անդամները ընկերության սեփականատիրոջ հետ շահերի բախում չունեն, և ընկերության հայտը գնահատել են բավարար։
Ղեկավարվելով «Հանրային ծառայության մասին» ՀՀ օրենքի 33-րդ հոդվածի 1-ին, 5-րդ և 7-րդ մասերով՝ սույնով հրապարակայնորեն հայտարարում եմ վերոնշյալ հանգամանքների մասին՝ հաշվի առնելով, որ դրանք կարող են հանգեցնել շահերի բախման իրավիճակի առաջացման։