Ղեկավարվելով «Նորմատիվ իրավական ակտերի մասին» ՀՀ օրենքի 33-րդ և 34-րդ հովածներով և «Տեղական ինքնակառավարման մասին» ՀՀ օրենքի 20–րդ հոդվածի 1–ին մասի 3-րդ և 4–րդ ենթակետերով, «Տեղական ինքնակառավարման մասին» ՀՀ օրենքի 13–րդ հոդվածի 6 և 7–րդ մասերով

Թալին համայնքի ավագանին որոշում է՝

1. Կանոնակարգի 28.2 կետը լրացնել նոր պարբերություններով՝ հետևյալ խմբագրությամբ`

համայնքի ղեկավարից պահանջելու և ստանալու նրա, աշխատակազմի, համայնքային ենթակայության կազմակերպությունների գործունեության վերաբերյալ տեղեկատվություն.

վարչական ղեկավարից պահանջելու և ստանալու նրա գործունեության վերաբերյալ տեղեկատվություն:

2. Թալին համայնքի ավագանու 18.11.2022թ. N32-Ա որոշման հավելվածը փոփոխել և հրապարակել նոր խմբագրությամբ՝ այն համապատասխանեցնելով սույն որոշման 1–ին կետին:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: