|
Զեկուցողը ներկայացրեց որոշման նախագիծը, որի հետ կապված տեղի ունեցավ ակտիվ քննարկում։ «Արդար Հայաստան» խմբակցության ավագանու անդամներ Վահե Եղիազարյանը, Մնացական Մնացականյանը և «ՀՅԴ» խմբակցության անդամ Սարգիս Մուրադյանը ներկայացրին առարկություններ կապված մշտական հանձնաժողովների ձևավորման համամասնությունների, հանձնաժողովի անդամների թվաքանակի և հանձնաժողովների քանակի հետ, ներկայացնելով իրենց տեսակետները։ Հարցին լուծում տալու համար զեկուցող Ս.Մկրտչյանը առաջարկեց հաջորդ նիստին ներկայացնել համայնքի ավագանու կանոնակարգում փոփոխություններ կատարելու վերաբերյալ որոշման նախագիծ, առաջիկա ավագանու նիստում հարցը քննարկելու և քվեարկության արդյունքներով ընդունելու համապատասխան որոշում։
Չնայած որ համայնքի ղեկավար Տ.Սափեյանը որոշման նախագիծը ներկայացված տեսքով դրեց քվեարկության, որն ստացավ 16 կողմ, 5 դեմ ձայն, բայց քանի որ խմբակցություններից ոչ մեկը մշտական գործող հանձնաժողովների կազմում ընդգրկվելու համար ոչ գրավոր ոչ բանավոր թեկնածուներ չէր առաջադրել, ուստի մշտական գործող հանձնաժողովների ձևավորման վերաբերյալ որոշում չընդունվեց։
|