Թալինի համայնքապետարանում շարունակվում են աշխատանքային քննարկումները՝ նպատակ ունենալով համակարգված ու արդյունավետ կազմակերպել ընթացիկ աշխատանքները։ Այսօր համայնքի ղեկավար Տավրոս Սափեյանի նախաձեռնությամբ անցկացվեց հերթական խորհրդակցությունը, որին մասնակցեցին համայնքապետարանի ղեկավար կազմի ներկայացուցիչները։
Քննարկվեցին համայնքային կառավարման տարբեր ուղղությունները՝ քաղաքաշինություն, կոմունալ ծառայություններ, մշակույթ և կրթություն, գյուղատնտեսություն և այլն։ Մանրամասն քննարկվեցին յուրաքանչյուր վարչական տարածքում իրականացվող աշխատանքներն ու բարեկարգումները, համայնքի ղեկավարին զեկուցվեցին նախորդ շաբաթվա ավարտված աշխատանքները, ընթացիկ և առաջիկա ծրագրերը։
Խորհրդակցության ընթացքում հստակեցվեցին առաջիկա գործողությունները և տրվեցին հանձնարարականներ՝ ուղղված խնդիրների օպտիմալ լուծմանը։ Խորհրդակցության կարևոր առանցքը դարձան նաև համայնքի զարգացման և բնակիչների առօրյա պայմանների բարելավման հարցերը, որոնց վերաբերյալ ձևավորվեցին գործնական լուծումներ։