|
03.07.25
ԲԱՐԻ ԳԱԼՈՒՍՏ www.talin.am
|
|
Հարգելի՛ այցելուներ Ողջունում եմ Ձեզ Թալինի համայնքապետարանի պաշտոնական կայքում։ Այստեղ համապարփակ ներկայացվում են Թալին համայնքի ծավալած գործունեությունը, կառուցվածքը, համայնքի ղեկավարի և ավագանիների ընդունած որոշումները, տեղեկատվություն` համայնքի զարգացման ծրագրերի, մատուցվող ծառայությունների և հանրությանը հետաքրքրող այլ հարցերի շուրջ։ Սույն պաշտոնական հարթակի միջոցով ապահովվում է մեր գործունեության թափանցիկությունը և հրապարակայնությունը, ուստի կարևորում ենք Ձեր դիտողություններն ու առաջարկությունները՝ դրանք քննարկելու և ամենօրյա աշխատանքում ներառելու նպատակով: Հարգանքով՝ Թալին համայնքի ղեկավար Տավրոս Սափեյան
|
|
|
03.07.25
ՔԱՂԱՔԱՑԻՆԵՐԻ ԸՆԴՈՒՆԵԼՈՒԹՅՈՒՆ
|
Այսօր Թալինի համայնքապետարանում անցկացվեց քաղաքացիների հերթական ընդունելությունը. Համայնքի ղեկավար Տավրոս Սափեյանը հանդիպեց բնակիչների հետ՝ լսելու և քննարկելու նրանց բարձրացրած հարցերը, որոնք հիմնականում վերաբերում էին առողջապահական, սոցիալական, աշխատանքի, հողային, գույքային և համայնքային այլ խնդիրներին։ Հանդիպումը անցավ բաց և գործընկերային մթնոլորտում։ Համայնքի ղեկավարը պատասխանեց քաղաքացիների հարցերին և հանձնարարեց պատասխանատու ստորաբաժանումներին անհրաժեշտ քայլեր ձեռնարկել դրանց լուծման ուղղությամբ։ Նման ձևաչափով հանդիպումները շարունակական են և կարևոր դեր ունեն բնակիչների և համայնքապետարանի միջև համագործակցությունը խթանելու գործում։ |
|
|
03.07.25
ԹԱԼԻՆ ՀԱՄԱՅՆՔԻ ՂԵԿԱՎԱՐ ՏԱՎՐՈՍ ՍԱՓԵՅԱՆԸ, ՏԵՂԱԿԱԼ ԳՈՒՐԳԵՆ ԹԱԴԵՎՈՍՅԱՆԻ ՀԵՏ ԱՅՍՕՐ ԱՇԽԱՏԱՆՔԱՅԻՆ ԱՅՑՈՎ ԱՐԱԳԱԾԱՎԱՆ ԲՆԱԿԱՎԱՅՐՈՒՄ ԷԻՆ
|
|
Այցի շրջանակում դիտարկվեցին համայնքային նշանակություն ունեցող մի շարք ծրագրեր և ընթացիկ աշխատանքներ։ Աշխատանքային այցի սկզբում համայնքի ղեկավարը տեղում ծանոթացավ «Արագածավանի մանկական երաժշտական դպրոց» ՀՈԱԿ-ի վերանորոգման աշխատանքներին, որի նպատակն է ապահովել կրթության ստեղծագործական գործունեության համար համապատասխան պայմաններ։Հաջորդիվ, համայնքի ղեկավար Տավրոս Սափեյանը անցկացրեց աշխատանքային հանդիպում Արագածավանի վարչական ղեկավար Արթուր Նազարյանի, վարչական տարածքի աշխատակիցների և բնակիչների հետ։ Հանդիպման ընթացքում քննարկվեցին բնակիչների կողմից բարձրացված հրատապ և խնդիրառու հարցեր, մասնավորապես՝ ոռոգման, ջրամատակարարման, շենքերի տանիքների և մշակույթի տան վերանորոգման, հողերի սեփականաշնորհման, ...
Մանրամասն |
|
|
02.07.25
ՃԱՆԱՊԱՐՀԱՇԻՆՈՒԹՅԱՆ ԵՎ ԿՐԹԱԿԱՆ ԵՆԹԱԿԱՌՈՒՑՎԱԾՔՆԵՐԻ ԿԱՌՈՒՑՄԱՆ ԸՆԹԱՑՔԻ ԴԻՏԱՐԿՈՒՄ ԶԱՐԻՆՋԱՅՈՒՄ ԵՎ ՀԱՑԱՇԵՆՈՒՄ
|
|
Այսօր Թալին համայնքի ղեկավար Տավրոս Սափեյանը և ոլորտային պատասխանատուներն աշխատանքային այցով եղան Զարինջա բնակավայրում, որտեղ ՀՀ Կառավարության ֆինանսավորմամբ ընթանում է Զարինջա-Ձիթհանքով 4,3 կմ երկարությամբ ճանապարհի հիմնանորոգման աշխատանքները։Այցի շրջանակում համայնքի ղեկավար Տավրոս Սափեյանը, ոլորտային պատասխանատու անձինք, Զարինջայի վարչական ղեկավար Սևադա Մանուկյանը և Անի համայնքի ղեկավար Արման Սարիբեկյանը տեղում դիտարկեցին շինարարական աշխատանքների ընթացքը, ծանոթացան կատարված և առաջիկայում նախատեսվող գործողություններին։ Նրանք կարևորեցին ճանապարհաշինության բարձր որակի ապահովումը, սահմանված ժամկետների պահպանությունը և համայնքի բնակիչների համար ապահով ու բարեկարգ երթևեկության հնարավորությունների ...
Մանրամասն |
|
|
02.07.25
ԲԱՐԵԿԱՐԳՄԱՆ ԱՇԽԱՏԱՆՔՆԵՐ
|
|
Արագածավան բնակավայրում ընթանում են փողոցների մաքրման և հարթեցման աշխատանքներ։ Թալին քաղաքի կենտրոնական փողոցներում ընթանում են ինտերնետային մալուխների դասավորվածության բարելավման և համակարգման աշխատանքներ։ Թալին քաղաքում և Արագածավան բնակավայրում կատարվել են կոմունալ բնույթի աշխատանքներ։ Նոր Արթիկ բնակավայրում իրականացվում են վարչական ղեկավարի աշխատասենյակի վերանորոգման աշխատանքներ։ Ցամաքասար բնակավայրում մեկնարկել են ֆուտբոլի դաշտի համար նախատեսված տարածքի մաքրման և ցանկապատման աշխատանքներ։
|
|
|
02.07.25
ԹԱԼԻՆ ՀԱՄԱՅՆՔԻ ԲՆԱԿԱՎԱՅՐԵՐՈՒՄ ՔԱՄՈՒ ՊԱՏՃԱՌԱԾ ՎՆԱՍՆԵՐԻ ԳՆԱՀԱՏՈՒՄ
|
Թալին համայնքի ղեկավար Տավրոս Սափեյանի և համայնքապետարանի ոլորտային պատասխանատուների մասնակցությամբ իրականացվել են այցելություններ Վերին Սասնաշեն, Վերին Բազմաբերդ, Ներքին Սասնաշեն, Դավթաշեն, Ներքին Բազմաբերդ, Պարտիզակ և Ագարակավան բնակավայրեր՝ ուժեղ քամու հետևանքով հասցված վնասները փաստագրելու նպատակով։ Արձանագրվել են բնակելի և օժանդակ շինությունների վնասները։ Այցերի ընթացքում համայնքի ղեկավարը հանդիպումներ և քննարկումներ է ունեցել բնակիչների հետ՝ առաջացած խնդիրներին օպերատիվ արձագանքելու և հնարավոր աջակցությունը համակարգելու նպատակով։ |
|
|
02.07.25
ԹԱԼԻՆ ՀԱՄԱՅՆՔԻ ԳԵՐԱԶԱՆՑԻԿՆԵՐՆ ՎԵՐԱԴԱՐՁԵԼ ԵՆ ԿՐԹԱԿԱՆ ՇՐՋԱԳԱՅՈՒԹՅՈՒՆԻՑ
|
|
Թալին համայնքի գերազանց առաջադիմություն ունեցող աշակերտները վերադարձել են հարուստ գիտելիքներով, նոր տպավորություններով և ոգեշնչմամբ՝ ավարտելով իրենց կրթական շրջագայությունը Միացյալ Արաբական Էմիրություններում։ Շրջագայությունը կազմակերպվել էր «Հակոբյաններ Համահայկական կենտրոնի», Թալին համայնքի և Արագածոտնի մարզպետարանի համագործակցությամբ, համաֆինանսավորվելով Թալին համայնքի և «Հակոբյաններ Համահայկական կենտրոնի» կողմից։Աշակերտների վերադարձը կայացավ բուռն հույզերի ու ջերմ հիշողությունների ուղեկցությամբ։ Նրանք պատմեցին կրթական հաստատություններում և մշակութային կենտրոններում ստացած արժեքավոր գիտելիքների, նոր ընկերների ու բացառիկ փորձառությունների մասին։Այս նախաձեռնությունը միտված ...
Մանրամասն |
|
|
01.07.25
ՔԱՄՈՒ ՎՆԱՍՆԵՐԸ ԹԱԼԻՆ ՀԱՄԱՅՆՔՈՒՄ
|
Թալին համայնքում քամու պատճառած վնասների գնահատում. Երեկվա ուժգին քամու հետևանքով Թալին համայնքը կրել է վնասներ։ Թալինի համայնքապետարանը շտապ արձագանքել է իրավիճակին և ձևավորել է հատուկ հանձնաժողով՝ վնասների չափը և բնույթը ուսումնասիրելու և արձանագրելու նպատակով։ Այսօր առավոտից հանձնաժողովն այցելել է համայնքի տարբեր բնակավայրեր՝ իրականացնելով գույքի և պատճառված վնասների գնահատման աշխատանքներ։ |
|
| 1 2 3 4 5 6 7 8 9 10 ... |