ՀԱՅՏԱՐԱՐՈՒԹՅՈՒՆ
Թալինի համայնքապետարանը տեղեկացնում է, որ 2026 թվականի մասնակցային բյուջետավորման ծրագրի շրջանակներում ներկայացված ծրագրային առաջարկների նախնական գնահատման արդյունքների վերաբերյալ կկազմակերպվի հանրային լսում՝ սույն թվականի հունվարի 14-ին, ժամը 15:00-ին, Թալինի համայնքապետարանի դահլիճում։ Հանրային լսման ընթացքում կներկայացվեն՝ • հանրային քննարկման և քվեարկության փուլ տեղափոխվող ծրագրային առաջարկների ցանկը՝ համապատասխան հիմնավորումներով, • սահմանված չափանիշներին չհամապատասխանող ծրագրային առաջարկների ցանկը՝ համապատասխան հիմնավորումներով։ Հանրային լսումը նպատակ ունի ապահովել գործընթացի թափանցիկությունը, հանրային մասնակցությունը և համայնքի բնակիչների իրազեկվածությունը քվեարկության փուլին նախապատրաստվելու համար։ Հանրային լսմանը կարող են մասնակցել Թալին համայնքի բոլոր բնակիչները, ծրագրերի հեղինակները և շահագրգիռ անձինք։ Սպասում ենք ձեր ակտիվ մասնակցությանը։