Այսօր: Ուրբաթ, 17 Ապրիլի 2026թ.
Թալինի համայնքապետարանի պաշտոնական կայք
Հյուրերի քանակը՝ 226
ՀՀ ԱՐԱԳԱԾՈՏՆԻ ՄԱՐԶԻ ԹԱԼԻՆ ՀԱՄԱՅՆՔ
Բոլոր գործընթացները
Հարթակի մասին Առաջարկներ Քարտեզ ՀՏՀ Հանրային մշտադիտարկում Մուտք Գրանցվել
 
ՄԱՍՆԱԿՑԵ՛Ք ԹԱԼԻՆ ՀԱՄԱՅՆՔԻ ԶԱՐԳԱՑՄԱՆԸ (ԲՅՈւՋԵ 2026)
Ընթացիկ փուլ՝
  Նախաձեռնող
ԹԱԼԻՆԻ ՀԱՄԱՅՆՔԱՊԵՏԱՐԱՆ
unnamed.jpg

Թալին համայնքում մեկնարկել է 2026 թվականի Մասնակցային բյուջետավորմամբ ձևավորվող ծրագրերի իրականացման գործընթաց, որին կարող են մասնակցել համայնքի 16 տարին լրացած բնակիչները՝ ինչպես անձամբ, այնպես էլ հասարակական միավորումների և քաղաքացիական նախաձեռնությունների միջոցով։ Մասնակցային բյուջետավորման գործընթաց իրականացնելու նպատակով համայնքի ավագանու 2025թ. դեկտեմբերի 16-ի Ν 193-Ա որոշումներով համայնքի 2026թ-ի բյուջեում նախատեսվել է առնվազն 60 000 000 ՀՀ դրամ ֆինանսավորում: Թալին համայնքի ղեկավարի 2025 թվականի դեկտեմբերի 17-ի թիվ N 2422-Ա որոշմամբ ստեղծվել է Մասնակցային բյուջետավորման գործընթացի կառավարման հանձնաժողով և ՄԲ գործընթացի ժամանակացույց: Շնորհիվ այս միջոցառման՝ Թալին համայնքի բնակիչները հնարավորություն ունեն հանդես գալու իրենց առաջարկներով, ծրագրային գաղափարներով և համայնքապետարանի հետ համատեղ բարելավելու իրենց բնակավայրերը, ավելի հարմարավետ և գրավիչ դարձնելու համայնքային կյանքը: Միևնույն ժամանակ առաջարկների այս հարթակը քաղաքացիներին հուզող խնդիրները հավաքելու համակարգ է և լուծումների միասնական որոնման միջոց: Այս էլեկտրոնային գործիքը կխթանի բնակիչների անմիջական մասնակցությունը համայնքային որոշումների կայացմանը, համայնքային բյուջեի պլանավորմանն ու կառավարմանը, կբարձրացնի տեղական ինքնակառավարման մարմինների նկատմամբ վստահությունն ու բնակիչների քաղաքացիական պատասխանատվությունը: Առաջարկներ կարող եք ներկայացնել այս էլեկտրոնային հարթակում՝ «Ուղարկել առաջարկ» բաժնում։ Սպասում ենք ձեր ծրագրային առաջարկներին։

  • «Քո գաղափարը կարևոր է. Քո մասնակցությունը՝ որոշիչ»

  • «Մտածի՛ր, առաջարկի՛ր, քվեարկի՛ր»

 

ՔՎԵԱՐԿԵԼ ԿԱՐՈՂ ԵՆ ԹԱԼԻՆ ՀԱՄԱՅՆՔԻ 16 ՏԱՐԻՆ ԼՐԱՑԱԾ ՔԱՂԱՔԱՑԻՆԵՐԸ, 
ՈՎՔԵՐ ԿԳՐԱՆՑՎԵՆ ԿԱՅՔՈՒՄ

Առնչվող փաստաթղթեր
(1.77 Մբ) Ավագանու որոշում 193-Ա
(6.10 Մբ) Համայնքի ղեկավարի որոշում 2422-Ա
(1.26 Մբ) Արձանագրություն թիվ 1
(2.09 Մբ) Արձանագրություն թիվ 2
(758.55 Կբ) Արձանագրություն թիվ 3
(1.27 Մբ) Քվեարկության արձանագրություն 4
Իրականացման փուլ (02/03/2026-15/12/2026)
24/11/2025-18/12/2026
Ընթացքում է
24/11/2025-28/11/2025
Նախապատրաստական փուլ
01/12/2025-19/12/2025
Իրազեկման փուլ
22/12/2025 09:00-09/01/2026 18:00
Առաջարկների ներկայացման փուլ
12/01/2026-14/01/2026
Առաջարկների նախնական գնահատման փուլ
14/01/2026-14/01/2026
Հանրային քննարկումների և լսումների փուլ
23/01/2026 09:00-09/02/2026 13:00
Քվեարկության փուլ
10/02/2026-11/02/2026
Հաղթող առաջարկների բացահայտում
11/02/2026-27/02/2026
Հաղթած առաջարկների իրագործման պլանավորում
02/03/2026-15/12/2026
Իրականացման փուլ
16/12/2026-18/12/2026
Գործընթացի արդյունքների ներկայացում
ShowTimeTable
ProcessTable

Իրականացվող ծրագրեր մշտադիտարկում
Դավթաշեն բնակավայրում պուրակի կառուցում
Արագածավան բնակավայրի մշակույթի տան դահլիճի վերանորոգում
Գործընթացի փուլերի մշտադիտարկում
1
Նախապատրաստական փուլ
Վերջին թարմացումը՝ 14/04/2026 15:47
2
Իրազեկման փուլ
Վերջին թարմացումը՝ 15/04/2026 17:13
3
Առաջարկների ներկայացման փուլ
Վերջին թարմացումը՝ 14/04/2026 09:34
4
Առաջարկների նախնական գնահատման փուլ
Վերջին թարմացումը՝ 14/04/2026 16:24
5
Հանրային քննարկումների և լսումների փուլ
Վերջին թարմացումը՝ 14/04/2026 17:29
6
Քվեարկության փուլ
Վերջին թարմացումը՝ 15/04/2026 15:51
Հանձնաժողովի աշխատանքի մշտադիտարկում

Առաջարկներ
Դաշտադեմ բնակավայրում մինի ֆուտբոլի դաշտի կառուցում   Գոհար Սարգսյան   23 դեկտեմբեր 2025 Չնայած այն փաստին, որ Դաշտադեմում չկա ֆուտբոլի դաշտ, վերջին տարիներին համայնքային մրցաշարերում մեր թիմը միշտ գտնվել է առաջին հնգյակում, որն էլ ոգեշնչել է երեխաներին և երիտասարդներին գյուղի տարբեր հարմար վայրերում զբաղվել ֆուտբոլով՝ ինչը բնակավայրում դարձել է երեխաների, պատանիների և երիտասարդների ամենասիրված սպորտաձևը: Դաշտադեմ բնակավայրի կենտրոնական մասում՝ նախկին Ուսուցչի տան հարակից տարածքում առաջարկում եմ կառուցել մինի-ֆուտբոլի դաշտ, որը կնպաստի երիտասարդների ֆիզիկական պատրաստվածության բարձրացմանը, ինչպես նաև կապահովի նրանց ժամանցը և կզարգացնի սպորտային կյանքը: Մեր ցանկությունն է այն դարձնել նաև այլ սպորտային միջոցառումների անցկացման վայր՝ բարձր պահելով երբեմնի փառքի արժանացած Դաշտադեմ գյուղի և իր ֆուտբոլային թիմի երախտավորների պատիվը: Ֆուտբոլի դաշտի հարակից տարածքում կկատարվի ծառատունկ, որի արդյունքում բնակավայրը կունենա զբոսնելու համար գողտրիկ վայր: Առաջարկ ներկայացնող` Գոհար Սարգսյան
1 1405
Այլ
Կարմրաշեն բնակավայրում մինի ֆուտբոլի դաշտի կառուցում   ՍԱՐԳԻՍ ՏԵՓԱՆՅԱՆ   25 դեկտեմբեր 2025 Առաջարկվում է Կարմրաշեն բնակավայրում կառուցել ֆուտբոլի համար նախատեսված խաղահրապարակ համայնքային 02-059-0014-0003 ծածկագրով հասարակական նշանակության հողակտորի վրա
0 291
Այլ
Ակունք բնակավայրում մինի ֆուտբոլի դաշտի կառուցում   ԱԲԳԱՐ ՄԵՍՐՈՊՅԱՆ   29 դեկտեմբեր 2025 Ինչպես ամբողջ աշխարհում, այնպես էլ Ակունք բնակավայրի բնակիչների շրջանում ամենապահանջված մարզաձևն է: Ակունք բնակավայրում առկա բնակչության թիվը կազմում է 525 անձ , որից 350-ը՝ 0-ից 49 տարեկան: Համայնքի տնտեսության և հասարակության զարգացման հոգևոր և մշակութային նպատակների արդիականացման շնորհիվ մենք կարող ենք ավելի հարմարավետ միջավայրում կազմակերպել մեր բնակիչների ազատ ժամանցը, խթանել ֆուտբոլի և սպորտի զարգացմանը: Հենց այդ նպատակով էլ առաջարկում եմ Ակունք բնակավայրի վարչական տարածքում կառուցել մինի ֆուտբոլի դաշտ:
0 1647
Շինարարություն
Դավթաշեն բնակավայրում պուրակի կառուցում   ԱԳԱՊԻ ԽԱՄՈՅԱՆ   29 դեկտեմբեր 2025 Գյուղական համայնքի համաչափ զագացումն ու բնակչության կյանքի որակի բարելավումն այսօր հանդիսանում է մեր առաջնահերթություններից մեկը։ Սույն նախագիծը նպատակ ունի ստեղծել ժամանակակից և բարեկարգ հանգստի գոտի, որն իր մեջ ներառում է կանաչապատ պուրակ, մինի ֆուտբոլի դաշտ և ապահով խաղահրապարակ։ Սա ոչ միայն կնպաստի համայնքի գեղագիտական տեսքի բարելավմանը, այլև կստեղծի առողջ միջավայր երեխաների ակտիվ ժամանցի և բնակիչների սոցիալական շփման համար։
5 2468
Կանաչ համայնք և բարեկարգում
Սուսեր բնակավայրում մշակույթի տան դահլիճի վերանորոգում   Հովհաննես Հակոբյան   05 հունվար 2026 Սուսեր բնակավայրի մշակույթի տունը երկար տարիներ եղել է ստեղծագործության, արվեստի և միասնականության կարևոր կենտրոն։ Այստեղ են ձևավորվել հիշողություններ, բացահայտվել տաղանդներ և պահպանվել մեր մշակութային արժեքները: Այսօր, ցավոք, շենքը կարիք ունի վերանորոգման և արդիականացման, որպեսզի կրկին կարողանա լիարժեք ծառայել իր նպատակին՝ դառնալով կենդանի մշակութային օջախ երիտասարդների, երեխաների և ամբողջ համայնքի համար։ Մենք հավատում ենք, որ Մշակույթի տան վերանորոգումը ոչ միայն շենքի բարեկարգում է, այլ ներդրում է մեր ապագայի, կրթության և ազգային մշակույթի պահպանման մեջ։ Հուսով ենք, որ մեր առաջարկը կստանա ուշադրություն, և միասին կկարողանանք նոր շունչ հաղորդել այս կարևոր կառույցին։
0 134
Շինարարություն
Արագածավան բնակավայրի մշակույթի տան դահլիճի վերանորոգում   Ռուբեն Մարտիրոսյան   05 հունվար 2026 Արագածավան բնակավայրի մշակույթի տան դահլիճի վերանորոգում հեղինակ՝ Ռուբեն Մարտիրոսյան վայր՝ Արագածավան գյուղ 1. Ծրագրի Ամփոփ Նկարագիր Սույն համայնքային ծրագիրը ներկայացվում է Ռուբեն Մարտիրոսյանի կողմից և նպատակ ունի վերանորոգել Արագածավան գյուղի մշակույթի տան մեծ դահլիճը, որը ներկայումս գտնվում է շատ վատ և անմխիթար վիճակում։ Դահլիճի պատուհանները կոտրված են, պայմանները չեն համապատասխանում մշակութային միջոցառումներ անցկացնելու նվազագույն պահանջներին, ինչի պատճառով համայնքը զրկված է լիարժեք մշակութային կյանքից։ Ծրագրի իրականացմամբ նախատեսվում է ստեղծել գեղեցիկ, ժամանակակից և հարմարավետ դահլիճ, որը կծառայի գյուղի բոլոր բնակիչներին։ 2. Ծրագրի Նպատակը • Վերականգնել և բարելավել մշակույթի տան մեծ դահլիճի ֆիզիկական վիճակը • Ստեղծել անվտանգ, ջերմ և հարմարավետ միջավայր • Զարգացնել համայնքի մշակութային և հասարակական կյանքը • Ստեղծել պայմաններ միջոցառումների, համերգների և հանդիսությունների անցկացման համար 3. Առկա Խնդիրները • Դահլիճը գտնվում է շատ վատ վիճակում • Պատուհանների մեծ մասը կոտրված է • Ջերմամեկուսացման և լուսավորության բացակայություն • Տեխնիկական և հարմարանքների բացակայություն • Մշակութային միջոցառումների կազմակերպման անհնարինություն 4. Ակնկալվող Արդյունքներ • Գյուղը կունենա գեղեցիկ և ժամանակակից մշակութային դահլիճ • Կվերակենդանանա համայնքի մշակութային կյանքը • Երեխաներն ու երիտասարդները կունենան զարգացման և ինքնարտահայտման հնարավորություն • Կբարձրանա համայնքի ընդհանուր սոցիալական ակտիվությունը • Դահլիճը կծառայի որպես համայնքային հավաքների և տոնական միջոցառումների կենտրոն 5. Ծրագրի Կարևորությունը Համայնքի Համար Մշակույթի տունը համայնքի հոգևոր և մշակութային սիրտն է։ Դահլիճի վերանորոգումը կնպաստի Արագածավան գյուղի մշակութային արժեքների պահպանմանը, սերունդների կապի ամրապնդմանը և համայնքի միասնականության բարձրացմանը։ 6. Եզրակացություն Ռուբեն Մարտիրոսյանի կողմից ներկայացված այս ծրագիրը կարևոր քայլ է Արագածավան գյուղի զարգացման ուղղությամբ։ Մշակույթի տան մեծ դահլիճի վերանորոգումը ոչ միայն կլուծի առկա խնդիրները, այլև կստեղծի երկարաժամկետ արժեք համայնքի համար՝ ապահովելով արժանապատիվ պայմաններ մշակութային կյանքի, տոնական միջոցառումների և հասարակական հավաքների համար։ (Մոտավոր 45 000 000 ՀՀ դրամ)
1 3673
Այլ
Եղնիկ բնակավայրում մինի ֆուտբոլի դաշտի կառուցում   ՎԱՀԵ ԹՈՐՈՅԱՆ   08 հունվար 2026 Այս ծրագրի նպատակն է բարելավել երեխաների և պատանիների ֆուտբոլ և վոլեյբոլ խաղալու հնարավորությունները Եղնիկ բնակավայրում՝ կառուցելով համապատասխան սպորտային դաշտեր: Ըստ ուսումնասիրությունների, երիտասարդները ներկայումս ստիպված են խաղալ բնակավայրի փշոտ դաշտերում կամ ճանապարհների եզրերին, ինչը ոչ միայն վտանգավոր է, այլև չի ապահովում անհրաժեշտ սպորտային պայմաններ: Դաշտերի ստանդարտ չափսերը Մինի ֆուտբոլի դաշտի չափսերը Տեսակ: 7x7 (ուշադրություն դարձնելու դեպքում, հնարավոր է նաև 11x11 դաշտ) Ընդհանուր չափեր: 44 մ x 25 մ, ուղղանկյուն ձև Վոլեյբոլի դաշտի չափսերը Տեսակ: Սովորական (2X2 կամ 3X3) Ընդհանուր չափեր: 25 մ x 15 մ, ուղղանկյուն ձև Ծրագրի կարևորությունը Այս ծրագիրը կարևոր է, քանի որ Եղնիկ գյուղի երեխաները և պատանիները ներկայումս չունեն համապատասխան պայմաններ սպորտով զբաղվելու համար։ Այժմ նրանք ստիպված են լինում խաղալ ոչ անվտանգ պայմաններում, ինչպիսիք են: Փշոտ դաշտեր, որոնք վնասում են նրանց՝ ֆիզիկական վնասվածք պատճառելով: Ճանապարհների եզրեր, որտեղ առկա են ավտոմեքենաների և այլ վտանգներից բխող ռիսկեր: Եթե գյուղը ունենա սեփական ֆուտբոլի և վոլեյբոլի դաշտեր, դա կբերի գործնականորեն շատ դրական փոփոխություններ: Դրական փոփոխությունները Ֆիզիկական առողջություն Սպորտը նպաստում է մարմնի կոփվածությանը, ինչը նվազեցնում է հիվանդությունների հնարավորությունները: Երեխաների և երիտասարդների ֆիզիկական ակտիվությունը կբարձրանա: Սոցիալական փոխհարաբերություններ Նոր դաշտերը կդառնան մի վայր, որտեղ երիտասարդները կկարողանան ընկերանալ, համագործակցել և զարգացնել թիմային հոգի: Դա նաև հնարավորություն կընձեռի գյուղի բնակիչներին հավաքվել և մասնակցել տարբեր միջոցառումների: Իմիջ / համայնքային ինքնության ամրապնդում Համայնքի երեխաներն ու երիտասարդները կկարողանան մասնակցել մրցույթների, ինչը կբարձրացնի գյուղի հեղինակությունը: Մարզային համալիրի բնութագրերը: Մինի ֆուտբոլի դաշտ: Արհեստական խոտածածկույթ կամ բնական խոտ Սպիտակ գծանշումներ և մարկիրովկա Դարպասներ երկու ծայրերում Կենտրոնական շրջան և տուգանային գոտիներ Պրոֆեսիոնալ ստանդարտներ վոլեյբոլի դաշտ: Ռետինե մակերես Վոլեյբոլի ցանց Սահմանային գծագծումներ Ստանդարտ չափսեր  Ցանկապատ և անվտանգություն: Մետաղական ցանցապատ (3-4 մետր բարձրություն) Ամբողջական պարիսպ շուրջբոլորը մուտքի դարպասներ լիովին առանձնացված շրջակայքից  ապահով կառուցված մարզային համալիրը բնականաբար ինտեգրված է լանդշաֆտին, միաժամանակ հստակ առանձնացված և պաշտպանված է ցանկապատով։   Ցերեկային տեսք Առաջին նկարում տեսնում եք՝ Մինի ֆուտբոլի դաշտ (ստանդարտ չափերով 25-44մ)՝ վառ կանաչ արհեստական գազոնով և սպիտակ գծագրումներով Վոլեյբոլի դաշտ (ստանդարտ չափերով 25մ x 15մ) ՝ բաց բեժ մակերեսով և սպիտակ գծերով Երկու դաշտերն էլ շրջապատված են 3-4 մետր բարձրության մետաղական ցանցապատներով Առանձնացված են շրջակայքից և ունեն մուտքի դարպասներ Բոլոր մարզային նշագծումները հստակ երևում են գիշերային լուսավորված տեսք Երկրորդ նկարում տեսնում եք՝ նույն դաշտերը գիշերային պայմաններում 4-6 բարձր լուսատուներ (15-20 մետր բարձրությամբ)՝ պրոֆեսիոնալ LED լուսավորությամբ Դաշտերը հզոր լույսով լուսավորված են, ստեղծելով յուրահատուկ մթնոլորտ մութ շրջակայքի հետ Եզրակացություն Եղնիկ բնակավայրի ֆուտբոլի և վոլեյբոլի դաշտերի կառուցումը շատ կարևոր և անհրաժեշտ ներդրում կլինի բնակավայրի երեխաների և երիտասարդների կյանքում։ Սա ոչ միայն կապահովի խաղային լավագույն պայմաններ, այլև կնպաստի համայնքի զարգացմանը, ստեղծելով առողջ, ակտիվ և կազմակերպված հասարակություն:
6 133
Այլ
Շղարշիկ բնակավայրում «կանաչ» պուրակի կառուցում   Հայկուշ Կիրակոսյան   08 հունվար 2026 Առաջարկվում է իրականացնել նոր զբոսայգու կառուցման ծրագիր՝ համայնքում հանրային և հանգստի տարածք ստեղծելու նպատակով։ Ծրագրի իրականացման համար նախատեսված տարածքում առկա է զինվորական հուշարձան, որի պահպանման և արժանապատիվ ներկայացման նպատակով նույնպես նախատեսվում է դրա պարսպապատում (ցանկապատում)։ Ծրագրի շրջանակում ընդհանուր տարածքը կպարսպապատվի՝ անվտանգ և պահպանվող միջավայր ապահովելու համար։ Կնախատեսվի քայլարշավային արահետների ստեղծում՝ զբոսայգու տարածքում հարմար տեղաշարժ ապահովելու նպատակով։ Կկատարվի տեղական, քիչ խնամք պահանջող ծառերի և ծաղիկների տնկում՝ կանաչապատման և միջավայրի գեղագիտական բարելավման համար։ Արահետների և հանգստի գոտիների երկայնքով կտեղադրվեն էներգախնայող լուսատուներ։ Զբոսայգու տարածքում նախատեսվում է տեղադրել պարզ և ամուր նստարաններ, աղբամաններ, ինչպես նաև խմելու ջրի ցայտաղբյուրներ՝ այցելուների հարմարավետության ապահովման համար։ Ծրագիրը նախատեսված է իրականացվելու նվազագույն ծախսերով և նպատակ ունի համայնքին ապահովել գործնական, մաքուր և մատչելի հանրային տարածքով՝ միաժամանակ պահպանելով հուշարձանի արժանապատիվ տեսքը:
9 513
Կանաչ համայնք և բարեկարգում
Իրինդ բնակավայրում մինի ֆուտբոլի դաշտի կառուցում   Գրիգոր Սաֆարյան   08 հունվար 2026 «Արի Թալին» հասարակական կազմակերպությունը, համայնքի երիտասարդների և դպրոցականների հետ իրականացվող շարունակական հանդիպումների արդյունքում, կարևորում է նրանց ակտիվ և առողջ ժամանցի կազմակերպումը։ Հաշվի առնելով երիտասարդների բարձր հետաքրքրվածությունն ու պահանջարկը՝ առաջարկում ենք Թալին համայնքի Իրինդ բնակավայրում Մասնակցային բյուջետավորման ծրագրի շրջանակներում կառուցել մինի ֆուտբոլի դաշտ։ Նախաձեռնությունը կնպաստի սպորտային կյանքի աշխուժացմանը, երիտասարդների ազատ ժամանակի արդյունավետ օգտագործմանը և համայնքային համախմբվածության ամրապնդմանը։
1 1521
Շինարարություն
Պարտիզակ բնակավայրում մինի ֆուտբոլի դաշտի կառուցում   ՎԱՆՈՒՇ ԱՍԱՏՐՅԱՆ   08 հունվար 2026 Պարտիզակ բնակավայրում մինի ֆուտբոլի դաշտի ծրագիր-առաջարկ
0 270
Այլ
Վերին Բազմաբերդ բնակավայրի մեծ ֆուտբոլի դաշտի ցանկապատում, հարթեցում և բարեկարգում   ՍՏԵՓԱՆ ԽԼՂԱԹՅԱՆ   08 հունվար 2026 Ես հանդիսանում եմ Հայաստանի ֆուտբոլի ֆեդերացիայի գլխավոր մրցավար և միաժամանակ Վերին Բազմաբերդ բնակավայրի բնակիչ։ Իմ մասնագիտական գործունեության ընթացքում մշտապես առնչվել եմ ֆուտբոլային դաշտերի տեխնիկական վիճակի, խաղային մակերեսների որակի և մարզիկների անվտանգության ապահովման հարցերին, ինչն էլ հիմք է հանդիսացել սույն նախաձեռնությունը ներկայացնելու համար։ Վերին Բազմաբերդ բնակավայրում առկա մեծ ֆուտբոլի դաշտը համայնքի համար ունի կարևոր նշանակություն, սակայն ներկայումս այն գտնվում է ոչ բավարար վիճակում։ Դաշտը չունի ցանկապատում, խաղային մակերեսը անհարթ է, իսկ շրջակա տարածքը՝ չբարեկարգված, ինչի հետևանքով սահմանափակվում են մարզվելու հնարավորությունները և առաջանում են անվտանգության խնդիրներ։ Սույն ծրագրի նպատակն է համալիր բարելավել դաշտի վիճակը՝ իրականացնելով տարածքի հարթեցում, բարեկարգման աշխատանքներ և դաշտի ամբողջ պարագծով ամուր ու անվտանգ ցանկապատի տեղադրում։ Նախատեսվում է ապահովել դաշտի համապատասխան խաղային պայմանները, սահմանել հստակ օգտագործման սահմաններ և ստեղծել վերահսկելի ու անվտանգ մարզական միջավայր։ Ծրագրի իրականացումը կնպաստի ֆուտբոլով զբաղվող երեխաների և երիտասարդների անվտանգության բարձրացմանը, կխթանի ֆիզիկական ակտիվությունն ու առողջ ապրելակերպը, ինչպես նաև կբարձրացնի դաշտի պահպանվածությունն ու երկարաժամկետ օգտագործման արդյունավետությունը։ Վերջնարդյունքում Վերին Բազմաբերդ բնակավայրը կունենա կարգավորված, անվտանգ և բարեկարգ մեծ ֆուտբոլի դաշտ, որը կծառայի համայնքի բնակիչների մարզական զարգացմանը, համախմբմանը և ակտիվ ժամանցի կազմակերպմանը։
1 2437
Այլ
Լուսակն բնակավայրի հանդիսությունների սրահի վերանորոգում   ԱՆԺԵԼԱ ԳՐԻԳՈՐՅԱՆ   09 հունվար 2026 Լուսակն բնակավայրի հանդիսությունների սրահը, որը 163 ք․մ․ մակերես ունի, համայնքի կարևոր հանրային տարածքներից է, որտեղ անցկացվում են մշակութային միջոցառումներ, հանդիսություններ, համայնքային հավաքներ և տարբեր հասարակական նախաձեռնություններ։ Սակայն սրահի ներկայիս վիճակը չի ապահովում անհրաժեշտ հարմարավետություն և ֆունկցիոնալություն։ Սույն ծրագրի նպատակն է իրականացնել հանդիսությունների սրահի վերանորոգման և ներքին հարդարման աշխատանքներ, ինչպես նաև ապահովել այն անհրաժեշտ գույքով՝ ստեղծելով անվտանգ, հարմարավետ և ժամանակակից միջավայր համայնքի բնակիչների համար։ Ծրագրի շրջանակներում նախատեսվում է իրականացնել ներքին վերանորոգման աշխատանքներ, բարելավել սրահի հատակի, պատերի, առաստաղի վիճակը, լուսավորությունը և ջեռուցման պայմանները, տանիքը: Ծրագրի իրականացումը կնպաստի համայնքային միջոցառումների կազմակերպման որակի բարձրացմանը, բնակիչների ներգրավվածության աճին և սրահի բազմաֆունկցիոնալ օգտագործմանը։ Միաժամանակ այն կապահովի սրահի երկարաժամկետ շահագործումը և կխթանի համայնքի մշակութային ու հասարակական կյանքի ակտիվացումը։ Վերջնարդյունքում Լուսակն բնակավայրը կունենա վերանորոգված, ներքին հարդարմամբ, որը կծառայի որպես համայնքային կյանքի կազմակերպման հարմարավետ և արժանապատիվ վայր։
0 99
Այլ
Կաթնաղբյուր բնակավայրում փողոցային լուսավորության համակարգի անցկացում   ԱՍՊՈՒՐԱԿ ՂԱԶԱՐՅԱՆ   09 հունվար 2026 Ծրագրի նպատակն է Կաթնաղբյուր բնակավայրի մի շարք փողոցներում իրականացնել ժամանակակից և էներգախնայող փողոցային լուսավորության համակարգի անցկացում՝ ապահովելով բնակիչների անվտանգ և հարմարավետ տեղաշարժը երեկոյան ժամերին։ Ներկայումս նշված փողոցներում, այդ թվում՝ դեպի դպրոց տանող ճանապարհին, լուսավորության բացակայությունը կամ անբավարար լինելը ստեղծում է անվտանգության լուրջ խնդիրներ։ Մութ պայմաններում հատկապես վտանգի տակ են հայտնվում երեխաները, որոնք տուն վերադառնում են երեկոյան ժամերին։ Ծրագրի շրջանակում նախատեսվում է ընդհանուր 5180 մետր երկարությամբ փողոցային լուսավորության համակարգի անցկացում՝ ներառելով լուսասյուների, լուսատուների և անհրաժեշտ էլեկտրական ենթակառուցվածքների տեղադրում և միացում։ Դպրոց տանող ճանապարհի լուսավորումը կստեղծի ապահով, տեսանելի և բարենպաստ պայմաններ երեխաների համար, կնվազեցնի հնարավոր ռիսկերը և կխթանի ծնողների վստահությունըիսկ մյուս փողոցների լուսավորության անցկացումը նույն պայմանները կստեղծի Կաթնաղբյուր բնակավայրի բնակիչների համար։ Ծրագրի իրականացումը կնպաստի բնակավայրի կենսամակարդակի բարձրացմանը, հասարակական անվտանգության ամրապնդմանը և Կաթնաղբյուր բնակավայրում ավելի կազմակերպված ու բարեկեցիկ միջավայրի ձևավորմանը։
0 97
Այլ
Թալինի մարզադաշտի բարեկարգում   ՍՈՒՍԱՆՆԱ ՊՈՂՈՍՅԱՆ   09 հունվար 2026 Առաջարկում եմ բարեկարգել քաղաքային ֆուտբոլի դաշտի խոտածածկույտը և կառուցել տրիբունան իր նստարաններով և կտուրով բարեկարգել վազքուղին նաև հարակից տարածքները։
0 89
Կանաչ քաղաք և բարեկարգում
Գառնահովիտ բնակավայրում հանգստի և ժամանցի վայրի կառուցում   ՀՈՎՀԱՆՆԵՍ ԳՐԻԳՈՐՅԱՆ   09 հունվար 2026 Ծրագրով նախատեսվում է Գառնահովիտի վարչական շենքին հարակից 250ք/մ տարածքում կառուցել ժամանցի և հանգստի վայր, ժամանակակից ձևավորման փոքր խաղահրապարակ՝ ներառելով խոտածածկ կանաչ գոտիներ, 3–4 խաղասարք տարբեր տարիքային խմբերի համար (ճոճանակներ, սահնակներ, խաղային համալիր), նստարաններ և աղբամաններ, ինչպես նաև շրջակա տարածքի բարեկարգում և ցանկապատում։ Հրապարակը կդառնա բնակավայրի երեխաների, ծնողների և այցելուների ամենօրյա հավաքատեղի՝ խթանելով համայնքային կապերի ամրապնդումը։ Ծրագրի նպատակն է ապահովել Գառնահովիտ բնակավայրի երեխաների և ընտանիքների համար ապահով, մաքուր և գեղեցիկ հանգստի ու ժամանցի միջավայր՝ նպաստելով բնակավայրի սոցիալական կյանքի աշխուժացմանը և կանաչ տարածքների ավելացմանը։
1 123
Այլ
  • Կարծիքներ
  • Հաշվետվություններ

ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
ՀՀ, Արագածոտնի մարզ, ք. Թալին, Գայի 1
060-75-77-87 060 88-80-08
talinihamaynqapetaran@list.ru thamaynqapetaran@gmail.com
Պաշտոնական էլ. փոստ` 53622422@e-citizen.am
(միայն www.e-citizen.am համակարգով ծանուցումների համար)


© 2008 - 2026 Հեղինակային իրավունքները պաշտպանված են
ԹԱԼԻՆԻ ՀԱՄԱՅՆՔԱՊԵՏԱՐԱՆ 		Մշակող   ՏՀԶՎԿ ՀԿ
Համայնքային կառավարման տեղեկատվական համակարգ 216
ԲԿԳ Մրցանակ 2015 - OGP Award 2015
2015 Regional Winner