Զեկ. ՊԱՏՎԱԿԱՆ ԹՈՐՈՍՅԱՆ

Համաձայն «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 20-րդ կետի, «Աղբահանության և սանիտարական մաքրման մասին» օրենքի 8-րդ հոդվածի 5-րդ մասի, 10-րդ հոդվածի 4-րդ մասի, 13-րդ հոդվածի 2-րդ մասի և 19-րդ հոդվածի 4-րդ մասի,

Թալին համայնքի ավագանին որոշում է՝

1.Սահմանել, որ Թալին համայնքում աղբահանության և սանիտարական մաքրման աշխատանքները կազմակերպվում և իրականացվում է «Թալինի աղբահանության և սանիտարական մաքրման ծառայություն» համայնքային հիմնարկի կողմից, կանոնադրական լիազորությունների շրջանակներում և սույն որոշմամբ սահմանված նորմերին ու պայմաններին համապատասխան։
2.Հաստատել Թալին համայնքում աղբահանության և սանիտարական մաքրման իրականացման կարգը` համաձայն հավելված N1-ի:
3.Հաստատել Թալին համայնքում աղբահանության վճար վճարողների հաշվառման, աղբահանության վճարի հաշվարկման և գանձման կարգը` համաձայն հավելված N 2-ի:
4.Հաստատել շինարարական և խոշոր եզրաչափի աղբի հավաքման և փոխադրման համար Թալին համայնքի ղեկավարի կողմից թույլտվության տրամադրման կարգը` համաձայն հավելված N 3-ի։
5.Հաստատել Թալին համայնքում աղբահանության և սանիտարական մաքրման սխեման` համաձայն հավելված N 4-ի:
6.Սույն որոշումն ուժի մեջ է մտնում պաշտոնական հրապարակմանը հաջորդող օրվանից։