Զեկ. ԳԱՅԱՆԵ ՍՏԵՓԱՆՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հայաստանի Հանրապետության քաղաքացիական օրենսգրքի 688-րդ և 689-րդ հոդվածներով, հիմք ընդունելով «Արի Թալին» զբոսաշրջության, մեդիայի և երիտասարդության զարգացման հասարակական կազմակերպության գործադիր մարմնի ղեկավար Գրիգոր Սաֆարյանի դիմումը և համայնքի ղեկավարի առաջարկությունը՝

Թալին համայնքի ավագանին որոշում է՝

1. Տալ համաձայնություն Թալին համայնքի սեփականություն հանդիսացող գույքերը համաձայն կից հավելվածի անհատույց օգտագործման իրավունքով, 14 (տասնչորս) ամիս ժամկետով տրամադրելու «Արի Թալին» զբոսաշրջության, մեդիայի և երիտասարդության զարգացման հասարակական կազմակերպությանը «Թալին մեդիա» անվանմամբ մեդիա գործունեության կազմակերպման, Թալին համայնքի ճանաչելիության բարձրացման, մշակութային կյանքի, զբոսաշրջության զարգացման, երիտասարդական նախաձեռնությունների, պետական և համայնքային միջոցառումների լուսաբանման և տարածման նպատակով։

2. Սահմանել, որ «Արի Թալին» զբոսաշրջության, մեդիայի և երիտասարդության զարգացման հասարակական կազմակերպությունը պարտավոր է ապահովել տրամադրված գույքերի պատշաճ պահպանումը, անվտանգ շահագործումը և օգտագործման ժամկետի ավարտից հետո վերադարձնել այն նույն վիճակում՝ հաշվի առնելով բնականոն մաշվածքը։

3. Թալին համայնքի ղեկավարին «Արի Թալին» զբոսաշրջության, մեդիայի և երիտասարդության զարգացման հասարակական կազմակերպության հետ կնքել գույքի անհատույց օգտագործման պայմանագիր և ապահովել գույքի հանձնման-ընդունման ակտի կազմումը։

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։