Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հայաստանի Հանրապետության քաղաքացիական օրենսգրքի 688-րդ և 689-րդ հոդվածներով, հիմք ընդունելով Թալին համայնքի բնակիչ Տարոն Զատիկյանի՝ դիմումը և համայնքի ղեկավարի առաջարկությունը՝

Թալին համայնքի ավագանին որոշում է՝

1. Տալ համաձայնություն Թալին համայնքի սեփականություն հանդիսացող գովազդային LED էկրանը՝ համաձայն սույն որոշման հավելվածի, անհատույց օգտագործման իրավունքով 14 (տասնչորս) ամիս ժամկետով տրամադրելու Տարոն Զատիկյանին իր կողմից տղամարդկանց վարսահարդարման ծառայությունների գովազդման նպատակով։

2. Սահմանել, որ Տարոն Զատիկյանը պարտավոր է գույքն օգտագործել բացառապես սույն որոշման 1-ին կետով նախատեսված նպատակով, ապահովել գույքի պատշաճ պահպանումն ու բարեխիղճ շահագործումը, օգտագործման ժամկետի ավարտից հետո վերադարձնել այն նույն վիճակում՝ հաշվի առնելով բնականոն մաշվածքը։

3. Թալին համայնքի ղեկավարին Տարոն Զատիկյանի հետ կնքել գույքի անհատույց օգտագործման պայմանագիր և ապահովել գույքի հանձնման-ընդունման ակտի կազմումը։

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։