|
18.05.26
ԲԱՐԻ ԳԱԼՈՒՍՏ www.talin.am
|
|
Հարգելի՛ այցելուներ Ողջունում եմ Ձեզ Թալինի համայնքապետարանի պաշտոնական կայքում։ Այստեղ համապարփակ ներկայացվում են Թալին համայնքի ծավալած գործունեությունը, կառուցվածքը, համայնքի ղեկավարի և ավագանիների ընդունած որոշումները, տեղեկատվություն` համայնքի զարգացման ծրագրերի, մատուցվող ծառայությունների և հանրությանը հետաքրքրող այլ հարցերի շուրջ։ Սույն պաշտոնական հարթակի միջոցով ապահովվում է մեր գործունեության թափանցիկությունը և հրապարակայնությունը, ուստի կարևորում ենք Ձեր դիտողություններն ու առաջարկությունները՝ դրանք քննարկելու և ամենօրյա աշխատանքում ներառելու նպատակով: Հարգանքով՝ Թալին համայնքի ղեկավար Տավրոս Սափեյան
|
|
|
18.05.26
ԺԱՄԱՆԱԿԱԿԻՑ ԿԱԳԱՌՆԵՐ ԹԱԼԻՆ ՔԱՂԱՔԻ ՏԱՐԲԵՐ ՀԱՏՎԱԾՆԵՐՈՒՄ
|
|
Թալին քաղաքի տարբեր հատվածներում տեղադրվել են նոր և ժամանակակից ավտոբուսային կանգառներ, որոնք էապես կբարելավեն հանրային տրանսպորտից օգտվող քաղաքացիների հարմարավետությունն ու անվտանգությունը։ Նոր կանգառները կառուցվել են բնակիչների առօրյան առավել հարմարավետ կազմակերպելու նպատակով՝ ապահովելով սպասման բարեկարգ և պաշտպանված պայմաններ տարվա բոլոր եղանակներին։ Միաժամանակ դրանք նպաստում են քաղաքի ընդհանուր տեսքի արդիականացմանն ու ենթակառուցվածքների զարգացմանը։ Համայնքապետարանը շարունակում է քայլ առ քայլ իրականացնել բնակիչների համար կարևոր նշանակություն ունեցող ծրագրեր՝ ուշադրության կենտրոնում պահելով ինչպես քաղաքի արտաքին տեսքի բարելավումը, այնպես էլ հանրային ծառայությունների որակի բարձրացումը։
|
|
|
18.05.26
ՀԱՄԱՅՆՔԻ ԵՐԵԽԱՆԵՐԻ ԺԱՄԱՆՑԻ ԲԱՐԵԼԱՎՄԱՆ ԱՇԽԱՏԱՆՔՆԵՐ
|
|
Շարունակվում են երեխաների ժամանցի և համայնքային միջավայրի բարելավմանն ուղղված աշխատանքները։ Համայնքի բակային տարածքներում և զբոսայգիներում տեղադրվել են նոր սահարաներ և խաղային տարրեր, որոնք փոքրիկների համար ապահովում են առավել հետաքրքիր, անվտանգ և հարմարավետ միջավայր։ Իրականացված աշխատանքների նպատակն է համայնքի երեխաների համար ստեղծել ուրախ ու ակտիվ ժամանցի պայմաններ, ինչպես նաև բակային տարածքներն ու զբոսայգիները դարձնել ավելի բարեկարգ և կենսունակ։
|
|
|
13.05.26
ԳՅՈՒՂԱՏՆՏԵՍԱԿԱՆ ԱՇԽԱՏԱՆՔՆԵՐ
|
|
Թալինի համայնքապետարանի գյուղատնտեսության և բնապահպանության բաժնի կողմից Թալին քաղաքում իրականացվել են աշնանացան ցորենի սնուցման աշխատանքներ՝ հեղուկ պարարտանյութի կիրառմամբ։ Ծրագրի նպատակն է բարձրացնել բերքի արդյունավետությունը, ապահովել ցորենի բնականոն աճն ու զարգացումը, ինչպես նաև նպաստել գյուղատնտեսական աշխատանքների որակի բարելավմանը։ Համայնքապետարանը շարունակելու է աջակցել գյուղատնտեսական ոլորտի զարգացմանն ու իրականացնել համայնքի բնակիչների համար կարևոր նշանակություն ունեցող ծրագրեր։
|
|
|
12.05.26
ԲԱՐԵԿԱՐԳՄԱՆ ԱՇԽԱՏԱՆՔՆԵՐ
|
|
Թալին քաղաքի կենտրոնական փողոցներում տեղադրվել են համայնքի պատմամշակութային կոթողներն ու տեսարժան վայրերը ներկայացնող պաստառներ։ Նախաձեռնության նպատակն է հանրությանը ներկայացնել համայնքի հարուստ պատմամշակութային ժառանգությունը, բարձրացնել բնակիչների և այցելուների իրազեկվածությունը, ինչպես նաև նպաստել համայնքի զբոսաշրջային գրավչության բարձրացմանը։ Պաստառներում ներկայացված են Թալին համայնքի տարբեր բնակավայրերում գտնվող պատմական և մշակութային արժեք ներկայացնող կոթողներ, որոնք համայնքի ինքնության ու պատմության կարևոր մասն են կազմում։
|
|
|
11.05.26
ԱՇԽԱՏԱՆՔԱՅԻՆ ԽՈՐՀՐԴԱԿՑՈՒԹՅՈՒՆ
|
|
Համայնքի ղեկավարի առաջին տեղակալ Սերգե Մկրտչյանի գլխավորությամբ տեղի ունեցավ աշխատանքային խորհրդակցություն։ Խորհրդակցության ընթացքում քննարկվեցին համայնքում իրականացվող աշխատանքների ընթացքը, ընթացիկ ծրագրերի կազմակերպման հարցերը և առաջիկա անելիքները։ Տրվել են համապատասխան հանձնարարականներ՝ աշխատանքները սահմանված ժամկետներում և պատշաճ որակով իրականացնելու նպատակով։
|
|
|
11.05.26
ԿՈՄՈՒՆԱԼ ԲԱՐԵԿԱՐԳՄԱՆ ԱՇԽԱՏԱՆՔՆԵՐ
|
|
Համայնքի կոմունալ ծառայության աշխատակիցների կողմից իրականացվել են բակային տարածքներում տեղադրված նստարանների վերանորոգման և թարմացման աշխատանքներ։ Վերանորոգվել են վնասված նստարանները, կատարվել են ներկման և ամրացման աշխատանքներ՝ ապահովելով բնակիչների համար ավելի հարմարավետ և բարեկարգ միջավայր։ Համայնքապետարանը շարունակաբար իրականացնում է համայնքի բարեկարգմանն ու հանրային տարածքների պահպանմանն ուղղված աշխատանքներ՝ բնակիչների առօրյան առավել հարմարավետ և հաճելի դարձնելու նպատակով։
|
|
|
10.05.26
ԳԾԱՆՇՈՒՄՆԵՐԻ ԹԱՐՄԱՑՄԱՆ ԱՇԽԱՏԱՆՔՆԵՐ
|
Թալին քաղաքում իրականացվել են ճանապարհային գծանշումների թարմացման աշխատանքներ՝ երթևեկության անվտանգությունն ու կազմակերպվածությունը բարելավելու նպատակով։ Թարմացվել են հետիոտնային անցումները, բաժանարար գծերը և այլ կարևոր նշագծումներ՝ ապահովելով առավել հարմարավետ և անվտանգ երթևեկություն թե՛ վարորդների, թե՛ հետիոտների համար։ Արագածավան բնակավայրում իրականացվել են փողոցների գծանշման, նոր լուսասյուների տեղադրման, ոռոգման կիսախողովակների մաքրման, ինչպես նաև համայնքային նշանակության այլ կարևոր աշխատանքներ։ |
|
| 1 2 3 4 5 6 7 8 9 10 ... |