|
22.04.26
ԲԱՐԻ ԳԱԼՈՒՍՏ www.talin.am
|
|
Հարգելի՛ այցելուներ Ողջունում եմ Ձեզ Թալինի համայնքապետարանի պաշտոնական կայքում։ Այստեղ համապարփակ ներկայացվում են Թալին համայնքի ծավալած գործունեությունը, կառուցվածքը, համայնքի ղեկավարի և ավագանիների ընդունած որոշումները, տեղեկատվություն` համայնքի զարգացման ծրագրերի, մատուցվող ծառայությունների և հանրությանը հետաքրքրող այլ հարցերի շուրջ։ Սույն պաշտոնական հարթակի միջոցով ապահովվում է մեր գործունեության թափանցիկությունը և հրապարակայնությունը, ուստի կարևորում ենք Ձեր դիտողություններն ու առաջարկությունները՝ դրանք քննարկելու և ամենօրյա աշխատանքում ներառելու նպատակով: Հարգանքով՝ Թալին համայնքի ղեկավար Տավրոս Սափեյան
|
|
|
22.04.26
ԱՇԽԱՏԱՆՔԱՅԻՆ ԽՈՐՀՐԴԱԿՑՈՒԹՅՈՒՆ
|
|
Թալին համայնքի ղեկավարի գլխավորությամբ կայացավ հերթական աշխատանքային խորհրդակցությունը՝ համայնքապետարանի ղեկավար կազմի և ոլորտային պատասխանատուների մասնակցությամբ։ Խորհրդակցության ընթացքում քննարկվեցին համայնքում ընթացիկ աշխատանքների կազմակերպման, առկա խնդիրների լուծման, ինչպես նաև առաջիկա ծրագրերի արդյունավետ իրականացմանը վերաբերող մի շարք հարցեր։ Խորհրդակցության ավարտին համայնքի ղեկավարի կողմից տրվեցին հստակ հանձնարարականներ՝ ուղղված աշխատանքների առավել արդյունավետ կազմակերպմանը և արձանագրված թերությունների շտկմանը։
|
|
|
22.04.26
ԿԱՅՈՒՆ ԷՆԵՐԳԻԱՅԻ ՇԱԲԱԹ
|
|
Թալին համայնքի սիրելի բնակիչներ,Ուրախությամբ տեղեկացնում ենք, որ Թալին համայնքում արդեն մեկնարկել է Կայուն էներգիայի շաբաթը, և մեր հերթական միջոցառումն այս անգամ իրականացվել է Աշնակի մանկապարտեզում՝ փոքրիկների ակտիվ մասնակցությամբ։Միջոցառման շրջանակում անցկացվել է «Մաքուր մոլորակ» թեմայով իրազեկման հանդիպում, որտեղ դաստիարակչական անձնակազմը երեխաների հետ խաղային և հարցուպատասխանի ձևաչափով քննարկել է՝ինչ է մաքուր մոլորակը և ինչպես կարող ենք միասին պահպանել այն։Այնուհետև կազմակերպվել է տեսակավորման մրցույթ, որի ընթացքում փոքրիկները պատրաստել են թղթե աղբամաններ և մասնակցել խաղային մրցույթի՝ սովորելով ճիշտ տարբերակել և տեղադրել աղբը համապատասխան աղբամաններում։Այսպիսի նախաձեռնությունները ...
Մանրամասն |
|
|
22.04.26
ԱՄԲԱՐՁԻՉ ՀԱՐԹԱԿՆԵՐԻ ՎԵՐԱԲԵՐՅԱԼ ԱՆԻՄԱՑԻՈՆ ՀՈԼՈՎԱԿ
|
|
ՀՀ տարածքային կառավարման և ենթակառուցվածքների նախարարության համակարգմամբ, Գերմանական միջազգային համագործակցության ընկերության (GIZ) կողմից իրականացվող «Լավ կառավարում հանուն տեղական զարգացման Հարավային Կովկասում», «Ինտեգրված համայնքային զարգացում Հայաստանում» ծրագրերի շրջանակում և «Հուսո տուն բարեգործական կենտրոն» հիմնադրամի հետ համագործակցությամբ աջակցություն է ցուցաբերվել ՀՀ 16 համայնքներին՝ համայնքապետարանների և համայնքային այլ կառույցների ֆիզիկական հասանելիության և մատչելիության բարելավման նպատակով։Հաշվի առնելով, որ ծրագրի շահառու համայնքապետարաններն ապահովված են անհրաժեշտ սարքավորումներով (աստիճանամագլցիչներ), խնդրում ենք իրականացնել ...
Մանրամասն |
|
|
21.04.26
ԱՅՍՕՐ ԱԶԳԱՅԻՆ ՀԵՐՈՍ ԹԱԹՈՒԼ ԿՐՊԵՅԱՆԸ ԿԴԱՌՆԱՐ 61 ՏԱՐԵԿԱՆ
|
|
Սիրելի՛ հայրենակիցներ,Այսօր նշում ենք ՀՀ ազգային հերոս Թաթուլ Կրպեյանի ծննդյան տարեդարձը՝ մի մարդու, ում անունը հավերժ գրվեց մեր ժողովրդի նորագույն պատմության մեջ՝ որպես խիզախության, հավատարմության և անձնազոհության վառ օրինակ։Թաթուլ Կրպեյանը այն սերնդի ներկայացուցիչն էր, որը ոչ թե խոսեց հայրենիքի մասին, այլ գործեց՝ ամենաթանկը զոհաբերելով հանուն Հայաստանի և Լեռնային Ղարաբաղի ազատության։ Նրա կյանքն ու սխրանքը մեզ պարտավորեցնում են արժևորել անկախությունը, ամրապնդել մեր պետությունը և լինել պատասխանատու մեր ապագայի համար։Այսօր, երբ մեր երկիրը կանգնած է նոր մարտահրավերների առաջ, առավել կարևոր է հիշել և շարունակել նրա ուղին՝ ապրելով նրա պատգամով՝ լինել միասնական և անսասան մեր արժեքներում։Խոնարհում և ...
Մանրամասն |
|
|
20.04.26
ԱՇՏԱՐԱԿԻ ԹԱՏՐՈՆԸ ԹԱԼԻՆ ՀԱՄԱՅՆՔՈՒՄ
|
Թալինի համայնքապետարանի նախաձեռնությամբ համայնքի երեխաների համար Թալինի մշակույթի տանը կազմակերպվեց մշակութային գեղեցիկ միջոցառում։ Միջոցառման շրջանակում Աշտարակի թատրոնը ներկայացրեց «Կաթիլ» բեմադրությունը, որը մեծ հետաքրքրությամբ ու ջերմությամբ ընդունվեց փոքրիկ հանդիսատեսի կողմից։ Ներկայացումը հագեցած էր հետաքրքիր դրվագներով, ուսուցողական բովանդակությամբ և բարձր արվեստով՝ երեխաներին փոխանցելով կարևոր արժեքներ ու դրական հույզեր։ |
|
|
20.04.26
ԱՊՐԻԼԻ 25-ԻՆ՝ ՔԱՂԱՔԱՑՈՒ ՕՐՎԱՆ ՆՎԻՐՎԱԾ ՄԻՋՈՑԱՌՈՒՄՆԵՐ ԹԱԼԻՆ ՀԱՄԱՅՆՔՈՒՄ
|
|
Ապրիլի 25-ին՝ Քաղաքացու օրվան նվիրված միջոցառումներ Թալին համայնքում։Թալինի համայնքապետարանը սիրով հրավիրում է բոլորին միասին նշելու Քաղաքացու օրը՝ մասնակցելով համայնքի տարբեր բնակավայրերում կազմակերպվող տոնական միջոցառումներին:Միջոցառումների ժամանակացույցը՝10:00–11:00 — Թալին Տերյան-Շահումյան փողոցների հատվող տարածքում (Մանկակական զբոսայգու դիմաց)11:30–12:00 — Արագածավան12:15–12:45 — Արտենի13:15–13:45 — Ցամաքասար14:00–14:30 — Կարմրաշեն15:00–15:30 — Ներքին ԲազմաբերդԺամը 14:00Թալինի երաժշտական դպրոցում կկայանա երիտասարդների համար հանդիպում «Մենք ենք մեր պետությունը» խորագրով, որտեղ բանախոսությամբ ...
Մանրամասն |
|
|
18.04.26
ԹԱԼԻՆԻ ՀԱՄԱՅՆՔԱՊԵՏԱՐԱՆԻ ՆԱԽԱՁԵՌՆՈՒԹՅԱՄԲ ԹԱԹՈՒԼ ԲՆԱԿԱՎԱՅՐԻ ՄՇԱԿՈՒՅԹԻ ՏԱՆԸ ԿԱԶՄԱԿԵՐՊՎԵԼ ԷՐ ԳԵՂԵՑԻԿ ՀԱՄԵՐԳԱՅԻՆ ԵՐԵԿՈ
|
Թալինի համայնքապետարանի նախաձեռնությամբ Թաթուլ բնակավայրի մշակույթի տանը կազմակերպվել էր գեղեցիկ համերգային երեկո։ Միջոցառման ընթացքում ելույթ ունեցավ JRANERK BAND խումբը՝ ստեղծելով ջերմ և բարձր տրամադրություն ներկաների համար։ Համերգային ծրագիրը ուղեկցվեց աշխույժ և բազմաժանր կատարումներով, որոնք արժանացան հանդիսատեսի ջերմ ընդունելությանը։ Երեկոյին ներկա էր նաև Թալին համայնքի ղեկավարը, ինչպես նաև համայնքապետարանի ներկայացուցիչներ։ Թալինի համայնքապետարանը շարունակելու է նախաձեռնել մշակութային նմանատիպ միջոցառումներ՝ համայնքային մշակութային կյանքի ակտիվացման և բնակիչների ժամանցի արդյունավետ կազմակերպման նպատակով։ |
|
| 1 2 3 4 5 6 7 8 9 10 ... |