|
09.11.26
ԲԱՐԻ ԳԱԼՈՒՍՏ www.talin.am
|
|
Հարգելի՛ այցելուներ Ողջունում եմ Ձեզ Թալինի համայնքապետարանի պաշտոնական կայքում։ Այստեղ համապարփակ ներկայացվում են Թալին համայնքի ծավալած գործունեությունը, կառուցվածքը, համայնքի ղեկավարի և ավագանիների ընդունած որոշումները, տեղեկատվություն` համայնքի զարգացման ծրագրերի, մատուցվող ծառայությունների և հանրությանը հետաքրքրող այլ հարցերի շուրջ։ Սույն պաշտոնական հարթակի միջոցով ապահովվում է մեր գործունեության թափանցիկությունը և հրապարակայնությունը, ուստի կարևորում ենք Ձեր դիտողություններն ու առաջարկությունները՝ դրանք քննարկելու և ամենօրյա աշխատանքում ներառելու նպատակով: Հարգանքով՝ Թալին համայնքի ղեկավար Տավրոս Սափեյան
|
|
|
09.11.26
ԱՇԽԱՏԱՆՔԱՅԻՆ ԽՈՐՀՐԴԱԿՑՈՒԹՅՈՒՆ
|
Աշխատանքային շաբաթը Թալինի համայնքապետարանում մեկնարկեց համայնքի ղեկավար Տավրոս Սափեյանի կողմից հրավիրած աշխատանքային խորհրդակցությամբ, որին մասնակցեց համայնքապետարանի ղեկավար կազմը: Օրվա քննարկումների առանցքում համայնքի առօրյան ու առաջիկա անելիքներն էին։ Մասնավորապես, անդրադարձ կատարվեց ձմռան նախապատրաստական աշխատանքներին, ՀՈԱԿ-ների գործունեությանը, առկա խնդիրներին, ինչպես նաև համայնքում ընթացող շինարարական ծրագրերի իրականացման ընթացքին։ Քննարկվեցին նաև տարբեր ոլորտներին առնչվող հարցեր, հստակեցվեցին առաջիկա քայլերն ու աշխատանքային առաջնահերթությունները՝ նպատակ ունենալով ապահովել համայնքային ծրագրերի բնականոն ընթացքն ու աշխատանքների արդյունավետ կազմակերպումը։ |
|
|
06.11.26
ԹԱԼԻՆԻ ՀԱՄԱՅՆՔԱՊԵՏԱՐԱՆՈՒՄ ՆԵՐԿԱՅԱՑՎԵԼ Է ԲՈՒՍԱԲՈՒԾՈՒԹՅԱՆ ԱՋԱԿՑՈՒԹՅԱՆ 2026-2027 ԹՎԱԿԱՆՆԵՐԻ ԾՐԱԳԻՐԸ
|
|
ՀՀ էկոնոմիկայի նախարարության Բուսաբուծության վարչության պետ Վարսիկ Մարտիրոսյանը և վարչության փորձագետ Գառնիկ Պետրոսյանը Թալինի համայնքապետարանի ղեկավար կազմի անդամներին և Գյուղատնտեսության և բնապահպանության բաժնի ներկայացուցիչներին ներկայացրել են Բուսաբուծության աջակցության 2026-2027 թվականների ծրագիրը։Ծրագրի նպատակն է ընդլայնել հացահատիկային, հատիկաընդեղեն և բազմամյա խոտաբույսերի ցանքատարածությունները, բարձրացնել դրանց մշակության արդյունավետությունը, ավելացնել գյուղատնտեսական համախառն արտադրանքի ծավալները:Ծրագիրը կիրականացվի 2026-2027 թվականներին՝ ընդգրկելով Հայաստանի Հանրապետության բոլոր մարզերը։Ինչպե՞ս դիմել ծրագրինՇահառուները ծրագրին մասնակցելու համար կարող են մինչև ցանքի իրականացումը թղթային ...
Մանրամասն |
|
|
05.11.26
ԹԱՏՐՈՆԸ՝ ՄԱՆԿՈՒԹՅԱՆ ԳՈՒՅՆԵՐՈՎ
|
«Իրինդի Վերածնունդ» մանկապատանեկան թատերական խմբակի սաները (գեղարվեստական ղեկավար՝ Գևորգ Մանուկյան) այսօր Թալինի մշակութային կենտրոնում հանդես եկան գեղեցիկ ներկայացմամբ։ Համայնքի մանկապարտեզների սաները մեծ ոգևորությամբ ու հետաքրքրությամբ դիտեցին ներկայացումը՝ հաղորդակից դառնալով թատերական արվեստի աշխարհին և վայելելով անմոռանալի պահեր։ Նման նախաձեռնությունները կարևոր են երեխաների գեղագիտական դաստիարակության, մշակութային հետաքրքրությունների ձևավորման և արվեստի հանդեպ սիրո ամրապնդման գործում։ |
|
|
04.11.26
ԾԱՌԱՏՈՒՆԿ ԹԱԼԻՆ ՀԱՄԱՅՆՔԻ ՏԱՐԲԵՐ ԲՆԱԿԱՎԱՅՐԵՐՈՒՄ
|
|
Թալին համայնքի ղեկավար Տավրոս Սափեյանի նախաձեռնությամբ այսօր Թալինի բժշկական կենտրոնի տարածքում, ինչպես նաև Արագածավան և Գառնահովիտ բնակավայրերում, կազմակերպվել է ծառատունկ։Միջոցառման նպատակն է նպաստել համայնքի կանաչապատմանը, բարեկարգմանն ու շրջակա միջավայրի պահպանությանը՝ ստեղծելով ավելի մաքուր, գեղեցիկ և առողջ միջավայր ինչպես բուժկենտրոնի աշխատակիցների, այնպես էլ այցելուների համար։Ծառատունկը ոչ միայն համայնքի արտաքին տեսքի բարելավմանն ուղղված աշխատանք է, այլև հոգատարության ու պատասխանատվության դրսևորում՝ մեր շրջակա միջավայրի և գալիք սերունդների հանդեպ։Յուրաքանչյուր տնկված ծառ ապագայի հանդեպ ներդրում է։ Կանաչապատ համայնք ունենալու համար կարևոր է յուրաքանչյուրիս մասնակցությունն ու հոգատար ...
Մանրամասն |
|
|
03.11.26
ԿԱՔԱՎԱՁՈՐԻ ՆՈՐԱԿԱՌՈՒՅՑ ՄԱՆԿԱՊԱՐՏԵԶՈՒՄ ՀԱՍՏԻՔՆԵՐԻ ՀԱՄԱԼՐՈՒՄԸ ԿԻՐԱԿԱՆԱՑՎԻ ՎԻՃԱԿԱՀԱՆՈՒԹՅԱՄԲ
|
ՀՀ կառավարության «300 դպրոց, 500 մանկապարտեզ» ծրագրի շրջանակում Կաքավաձոր բնակավայրում կառուցվել է նոր, ժամանակակից լուծումներով մանկապարտեզ` 75 սանի համար նախատեսված պայմաններով: Կաքավաձորի մանկապարտեզում հաստիքների համալրման նպատակով դիմած 33 քաղաքացի հանդիպում է ունեցել Թալին համայնքի ղեկավար Տավրոս Սափեյանի հետ։ Հանդիպման ընթացքում քննարկվել են աշխատանքի ընդունման գործընթացին առնչվող հարցեր։ Քանի որ մանկապարտեզում առկա է 19 հաստիք, իսկ որոշ հաստիքների համար դիմել են մի քանի քաղաքացիներ, որոշում է կայացվել հավակնորդների միջև անցկացնել վիճակահանություն՝ ընտրության գործընթացն իրականացնելու համար։ |
|
|
03.11.26
ԱԿՈՒՆՔՈՒՄ ՆՈՐ ՀՆԱՐԱՎՈՐՈՒԹՅՈՒՆՆԵՐԻ ԴՈՒՌ ԲԱՑՎԵՑ․ ՏԵՂԻ ՈՒՆԵՑԱՎ ԶԱՐԳԱՑՄԱՆ ԿԵՆՏՐՈՆԻ ՊԱՇՏՈՆԱԿԱՆ ԲԱՑՈՒՄԸ
|
|
Նոյեմբերի 3-ին Ակունքում տոնական ու ոգևորիչ մթնոլորտում տեղի ունեցավ բնակավայրի զարգացման կենտրոնի պաշտոնական բացման արարողությունը։ Կենտրոնը կյանքի է կոչվել ԱՄՆ-ի «Մենքի Առաքյալներ» կազմակերպության աջակցության և ֆինանսավորման շնորհիվ՝ «Իմ գյուղը» ՀԿ-ի ու Թալինի համայնքապետարանի համագործակցությամբ։Միջոցառմանը ներկա էին ՀՀ ԱԺ պատգամավորներ Ռուզաննա Երեմյանն ու Քրիստինե Վարդանյանը, Թալին համայնքի ղեկավար Տավրոս Սափեյանը, «Իմ գյուղը» ՀԿ նախագահ Ստելլա Սարուխանյանը, ԱՄՆ-ի «Մենքի Առաքյալներ» կազմակերպության ներկայացուցիչ Վարդուհի Բարսեղյանը, ինչպես նաև բնակիչներ և հյուրեր։Ողջույնի և շնորհավորանքի խոսքերով հանդես եկան Տավրոս Սափեյանն ու Վարդուհի Բարսեղյանը՝ ...
Մանրամասն |
|
|
03.11.26
ԱՇԽԱՏԱՆՔԱՅԻՆ ԱՅՑ ԱԿՈՒՆՔԻ ՄԱՆԿԱՊԱՐՏԵԶ
|
Թալին համայնքի ղեկավար Տավրոս Սափեյանը ոլորտային պատասխանատուների հետ աշխատանքային այցով եղել է Ակունքի մանկապարտեզում՝ տեղում ուսումնասիրելու հաստատության պայմանները, առկա խնդիրները և դրանց լուծման հնարավորությունները։ Այցի ընթացքում դիտարկվել են մանկապարտեզի գործունեությանն առնչվող հարցերը, քննարկվել անհրաժեշտ աշխատանքների կազմակերպման և երեխաների համար առավել բարենպաստ պայմանների ապահովման ուղղությունները։ |
|
| 1 2 3 4 5 6 7 8 9 10 ... |