|
23.04.26
ԲԱՐԻ ԳԱԼՈՒՍՏ www.talin.am
|
|
Հարգելի՛ այցելուներ Ողջունում եմ Ձեզ Թալինի համայնքապետարանի պաշտոնական կայքում։ Այստեղ համապարփակ ներկայացվում են Թալին համայնքի ծավալած գործունեությունը, կառուցվածքը, համայնքի ղեկավարի և ավագանիների ընդունած որոշումները, տեղեկատվություն` համայնքի զարգացման ծրագրերի, մատուցվող ծառայությունների և հանրությանը հետաքրքրող այլ հարցերի շուրջ։ Սույն պաշտոնական հարթակի միջոցով ապահովվում է մեր գործունեության թափանցիկությունը և հրապարակայնությունը, ուստի կարևորում ենք Ձեր դիտողություններն ու առաջարկությունները՝ դրանք քննարկելու և ամենօրյա աշխատանքում ներառելու նպատակով: Հարգանքով՝ Թալին համայնքի ղեկավար Տավրոս Սափեյան
|
|
|
22.04.26
ԱՇԽԱՏԱՆՔԱՅԻՆ ԽՈՐՀՐԴԱԿՑՈՒԹՅՈՒՆ
|
|
Թալին համայնքի ղեկավարի գլխավորությամբ կայացավ հերթական աշխատանքային խորհրդակցությունը՝ համայնքապետարանի ղեկավար կազմի և ոլորտային պատասխանատուների մասնակցությամբ։ Խորհրդակցության ընթացքում քննարկվեցին համայնքում ընթացիկ աշխատանքների կազմակերպման, առկա խնդիրների լուծման, ինչպես նաև առաջիկա ծրագրերի արդյունավետ իրականացմանը վերաբերող մի շարք հարցեր։ Խորհրդակցության ավարտին համայնքի ղեկավարի կողմից տրվեցին հստակ հանձնարարականներ՝ ուղղված աշխատանքների առավել արդյունավետ կազմակերպմանը և արձանագրված թերությունների շտկմանը։
|
|
|
22.04.26
ԿԱՅՈՒՆ ԷՆԵՐԳԻԱՅԻ ՇԱԲԱԹ
|
|
Թալին համայնքի սիրելի բնակիչներ,Ուրախությամբ տեղեկացնում ենք, որ Թալին համայնքում արդեն մեկնարկել է Կայուն էներգիայի շաբաթը, և մեր հերթական միջոցառումն այս անգամ իրականացվել է Աշնակի մանկապարտեզում՝ փոքրիկների ակտիվ մասնակցությամբ։Միջոցառման շրջանակում անցկացվել է «Մաքուր մոլորակ» թեմայով իրազեկման հանդիպում, որտեղ դաստիարակչական անձնակազմը երեխաների հետ խաղային և հարցուպատասխանի ձևաչափով քննարկել է՝ինչ է մաքուր մոլորակը և ինչպես կարող ենք միասին պահպանել այն։Այնուհետև կազմակերպվել է տեսակավորման մրցույթ, որի ընթացքում փոքրիկները պատրաստել են թղթե աղբամաններ և մասնակցել խաղային մրցույթի՝ սովորելով ճիշտ տարբերակել և տեղադրել աղբը համապատասխան աղբամաններում։Այսպիսի նախաձեռնությունները ...
Մանրամասն |
|
|
22.04.26
ԱՄԲԱՐՁԻՉ ՀԱՐԹԱԿՆԵՐԻ ՎԵՐԱԲԵՐՅԱԼ ԱՆԻՄԱՑԻՈՆ ՀՈԼՈՎԱԿ
|
|
ՀՀ տարածքային կառավարման և ենթակառուցվածքների նախարարության համակարգմամբ, Գերմանական միջազգային համագործակցության ընկերության (GIZ) կողմից իրականացվող «Լավ կառավարում հանուն տեղական զարգացման Հարավային Կովկասում», «Ինտեգրված համայնքային զարգացում Հայաստանում» ծրագրերի շրջանակում և «Հուսո տուն բարեգործական կենտրոն» հիմնադրամի հետ համագործակցությամբ աջակցություն է ցուցաբերվել ՀՀ 16 համայնքներին՝ համայնքապետարանների և համայնքային այլ կառույցների ֆիզիկական հասանելիության և մատչելիության բարելավման նպատակով։Հաշվի առնելով, որ ծրագրի շահառու համայնքապետարաններն ապահովված են անհրաժեշտ սարքավորումներով (աստիճանամագլցիչներ), խնդրում ենք իրականացնել ...
Մանրամասն |
|
|
22.04.26
ԴԱՎԹԱՇԵՆ ԲՆԱԿԱՎԱՅՐԻ ՄԱՆԿԱՊԱՐՏԵԶՈՒՄ ԱՆՑԿԱՑՎԵԼ Է «ԱՌՈՂՋ ՄՈԼՈՐԱԿ» ԹԵՄԱՅՈՎ ՄԻՋՈՑԱՌՈՒՄ
|
Առողջ մոլորակ՝ մեր փոքրիկների աչքերով Թալին համայնքի հարգելի՛ բնակիչներ, Թալին համայնքի Դավթաշեն բնակավայրի մանկապարտեզում անցկացվել է «Առողջ մոլորակ» թեմայով միջոցառում և մրցույթ՝ փոքրիկների ակտիվ մասնակցությամբ։ Խաղային և հետաքրքիր ձևաչափով երեխաները ծանոթացել են մաքուր և առողջ միջավայրի կարևորությանը, ներկայացրել իրենց պատկերացումները և մասնակցել մրցութային առաջադրանքների։ Այսպիսի նախաձեռնությունները նպաստում են բնապահպանական մտածողության ձևավորմանը դեռ վաղ տարիքից՝ հիմք դնելով ավելի գիտակից և պատասխանատու սերնդի համար։ |
|
|
22.04.26
300ԻՑ ՄԵԿԸ․ ԹԱԼԻՆ ՀԱՄԱՅՆՔԻ ԱՐԱԳԱԾԱՎԱՆ ԲՆԱԿԱՎԱՅՐՈՒՄ ԹԻՎ 1 ՄԻՋՆ. ԴՊՐՈՑԸ ԿԱՌՈՒՑՎԱԾ Է
|
|
ՀՀ վարչապետ Նիկոլ Փաշինյանն այցելել է Թալին համայնքի Արագածավան բնակավայր։ Այցի շրջանակում վարչապետը ծանոթացել է Արագածավանում կառուցված նոր դպրոցին, որը կառուցվել է «300 դպրոց, 500 մանկապարտեզ» պետական ծրագրի շրջանակում։ Ներկայացվել են կրթական հաստատության պայմանները, հագեցվածությունը և կրթական գործընթացի կազմակերպման հնարավորությունները:
|
|
|
21.04.26
ԱՅՍՕՐ ԱԶԳԱՅԻՆ ՀԵՐՈՍ ԹԱԹՈՒԼ ԿՐՊԵՅԱՆԸ ԿԴԱՌՆԱՐ 61 ՏԱՐԵԿԱՆ
|
|
Սիրելի՛ հայրենակիցներ,Այսօր նշում ենք ՀՀ ազգային հերոս Թաթուլ Կրպեյանի ծննդյան տարեդարձը՝ մի մարդու, ում անունը հավերժ գրվեց մեր ժողովրդի նորագույն պատմության մեջ՝ որպես խիզախության, հավատարմության և անձնազոհության վառ օրինակ։Թաթուլ Կրպեյանը այն սերնդի ներկայացուցիչն էր, որը ոչ թե խոսեց հայրենիքի մասին, այլ գործեց՝ ամենաթանկը զոհաբերելով հանուն Հայաստանի և Լեռնային Ղարաբաղի ազատության։ Նրա կյանքն ու սխրանքը մեզ պարտավորեցնում են արժևորել անկախությունը, ամրապնդել մեր պետությունը և լինել պատասխանատու մեր ապագայի համար։Այսօր, երբ մեր երկիրը կանգնած է նոր մարտահրավերների առաջ, առավել կարևոր է հիշել և շարունակել նրա ուղին՝ ապրելով նրա պատգամով՝ լինել միասնական և անսասան մեր արժեքներում։Խոնարհում և ...
Մանրամասն |
|
|
20.04.26
ԱՇՏԱՐԱԿԻ ԹԱՏՐՈՆԸ ԹԱԼԻՆ ՀԱՄԱՅՆՔՈՒՄ
|
Թալինի համայնքապետարանի նախաձեռնությամբ համայնքի երեխաների համար Թալինի մշակույթի տանը կազմակերպվեց մշակութային գեղեցիկ միջոցառում։ Միջոցառման շրջանակում Աշտարակի թատրոնը ներկայացրեց «Կաթիլ» բեմադրությունը, որը մեծ հետաքրքրությամբ ու ջերմությամբ ընդունվեց փոքրիկ հանդիսատեսի կողմից։ Ներկայացումը հագեցած էր հետաքրքիր դրվագներով, ուսուցողական բովանդակությամբ և բարձր արվեստով՝ երեխաներին փոխանցելով կարևոր արժեքներ ու դրական հույզեր։ |
|
| 1 2 3 4 5 6 7 8 9 10 ... |