|
11.05.26
ԲԱՐԻ ԳԱԼՈՒՍՏ www.talin.am
|
|
Հարգելի՛ այցելուներ Ողջունում եմ Ձեզ Թալինի համայնքապետարանի պաշտոնական կայքում։ Այստեղ համապարփակ ներկայացվում են Թալին համայնքի ծավալած գործունեությունը, կառուցվածքը, համայնքի ղեկավարի և ավագանիների ընդունած որոշումները, տեղեկատվություն` համայնքի զարգացման ծրագրերի, մատուցվող ծառայությունների և հանրությանը հետաքրքրող այլ հարցերի շուրջ։ Սույն պաշտոնական հարթակի միջոցով ապահովվում է մեր գործունեության թափանցիկությունը և հրապարակայնությունը, ուստի կարևորում ենք Ձեր դիտողություններն ու առաջարկությունները՝ դրանք քննարկելու և ամենօրյա աշխատանքում ներառելու նպատակով: Հարգանքով՝ Թալին համայնքի ղեկավար Տավրոս Սափեյան
|
|
|
11.05.26
ԱՇԽԱՏԱՆՔԱՅԻՆ ԽՈՐՀՐԴԱԿՑՈՒԹՅՈՒՆ
|
|
Համայնքի ղեկավարի առաջին տեղակալ Սերգե Մկրտչյանի գլխավորությամբ տեղի ունեցավ աշխատանքային խորհրդակցություն։ Խորհրդակցության ընթացքում քննարկվեցին համայնքում իրականացվող աշխատանքների ընթացքը, ընթացիկ ծրագրերի կազմակերպման հարցերը և առաջիկա անելիքները։ Տրվել են համապատասխան հանձնարարականներ՝ աշխատանքները սահմանված ժամկետներում և պատշաճ որակով իրականացնելու նպատակով։
|
|
|
10.05.26
ԲԱՐԵԿԱՐԳՄԱՆ ԱՇԽԱՏԱՆՔՆԵՐ
|
Թալին քաղաքում իրականացվել են ճանապարհային գծանշումների թարմացման աշխատանքներ՝ երթևեկության անվտանգությունն ու կազմակերպվածությունը բարելավելու նպատակով։ Թարմացվել են հետիոտնային անցումները, բաժանարար գծերը և այլ կարևոր նշագծումներ՝ ապահովելով առավել հարմարավետ և անվտանգ երթևեկություն թե՛ վարորդների, թե՛ հետիոտների համար։ |
|
|
09.05.26
ԹԱԼԻՆ ՀԱՄԱՅՆՔԻ ԳԵՐԱԶԱՆՑԻԿՆԵՐԸ ՄԵԿՆԵՑԻՆ ՀԱՆԳՍՏԻ
|
|
Թալին համայնքի գերազանց առաջադիմություն ունեցող աշակերտները մեկնեցին 7-օրյա հանգստի՝ Վրաստան։ Աշակերտներին ճանապարհելու էր եկել Թալին համայնքի ղեկավար Տավրոս Սափեյան, ով հաջող և անմոռանալի հանգիստ մաղթեց երեխաներին՝ վստահություն հայտնելով, որ նրանց գիտելիքներն ու ձեռքբերումները լավագույն օրինակն են համայնքի երիտասարդների համար։ Այս նախաձեռնությունը նպատակ ունի խրախուսելու սովորողների բարձր առաջադիմությունը, ակտիվ մասնակցությունն ու նվաճումները՝ ստեղծելով նոր տպավորություններով և գեղեցիկ հիշողություններով լի օրեր։
|
|
|
09.05.26
ՀԱՂԹԱՆԱԿԻ ԵՎ ԽԱՂԱՂՈՒԹՅԱՆ ՕՐՎԱ ԱՌԹԻՎ ԹԱԼԻՆԻ ՀԱՄԱՅՆՔՈՒՄ
|
|
Հաղթանակի և խաղաղության օրվա առթիվ Թալինի համայնքապետարանի, համայնքային ՀՈԱԿ-ների աշխատակիցները և համայնքի բնակիչները, համայնքի ղեկավարի առաջին տեղակալ Սերգե Մկրտչյանի և համայնքի ղեկավարի տեղակալ Սպարտակ Ավետիսյանի գլխավորությամբ, այցելեցին Հայրենական մեծ պատերազմում զոհվածների և հանուն հայրենիքի իրենց կյանքը նվիրաբերած բոլոր ժամանակների հերոսների հուշակոթողներ ու շիրիմներ՝ հարգանքի տուրք մատուցելու նրանց անմահ հիշատակին։ Հիշատակի միջոցառման ընթացքում երաժշտական դպրոցի սաները հանդես եկան հայրենասիրական կատարումներով։ Մասնակիցները ծաղիկներ խոնարհեցին հերոսների հիշատակին՝ արժևորելով նրանց սխրանքն ու անձնվիրությունը հայրենիքի պաշտպանության, հաղթանակի կերտման և խաղաղության պահպանման գործում։
|
|
|
09.05.26
«ՀՀ ՎԱՐՉԱՊԵՏԻ ԳԱՎԱԹ»
|
|
Անցկացվեց «ՀՀ վարչապետի գավաթ» հեծանվային խճուղավազքի ներհամայնքային փուլը։ Մրցաշարին մասնակցեցին համայնքի դպրոցական տարիքի աշակերտներ՝ ցուցադրելով սպորտային պատրաստվածություն, ակտիվություն և հաղթելու ձգտում։ Մասնակիցները մեծ ոգևորությամբ հաղթահարեցին սահմանված երթուղին՝ պահպանելով առողջ մրցակցային մթնոլորտը։ Լավագույն արդյունքներ ցուցաբերած աշակերտները հնարավորություն ստացան մասնակցելու մրցաշարի հաջորդ փուլին։
|
|
|
09.05.26
«ԱՐԻ ՊԱՐԻ» ՆԵՐՔԻՆ ՍԱՍՆԱՇԵՆՈՒՄ
|
Ներքին Սասնաշեն բնակավայրում տեղի ունեցավ «Արի Պարի» մշակութային միջոցառումը, որը համախմբել էր համայնքի բնակիչներին ազգային երգ ու պարի շուրջ։ Միջոցառմանը ներկա էին Թալին համայնքի ղեկավար Տավրոս Սափեյանը, համայնքապետարանի ղեկավար կազմը, ստորաբաժանումների ղեկավարներ, աշխատակիցներ և բազմաթիվ բնակիչներ։ Տոնական մթնոլորտում ներկայացվեցին ազգային պարեր և մշակութային կատարումներ՝ ստեղծելով ջերմ ու հայրենասիրական միջավայր։ «Արի Պարի» միջոցառումը ևս մեկ անգամ ընդգծեց ազգային արժեքների պահպանման և համայնքային ակտիվ կյանքի կարևորությունը։ |
|
|
07.05.26
ՀԱՅՏԱՐԱՐՈՒԹՅՈՒՆ
|
|
Հարգելի թալինցիներ՝ 2026թ․ մայիսի 9-ին համայնքապետարանի կողմից կազմակերպվում է այցելություն «Անհայտ զինվորի» հուշարձան-պանթեոն։ Ժամը 10։00 ավտոբուսները հրապարակից կշարժվեն դեպի հուշարձան։ Ակնկալում ենք բոլորիդ մասնակցությունը։
|
|
| 1 2 3 4 5 6 7 8 9 10 ... |