|
11.03.26
ԲԱՐԻ ԳԱԼՈՒՍՏ www.talin.am
|
|
Հարգելի՛ այցելուներ Ողջունում եմ Ձեզ Թալինի համայնքապետարանի պաշտոնական կայքում։ Այստեղ համապարփակ ներկայացվում են Թալին համայնքի ծավալած գործունեությունը, կառուցվածքը, համայնքի ղեկավարի և ավագանիների ընդունած որոշումները, տեղեկատվություն` համայնքի զարգացման ծրագրերի, մատուցվող ծառայությունների և հանրությանը հետաքրքրող այլ հարցերի շուրջ։ Սույն պաշտոնական հարթակի միջոցով ապահովվում է մեր գործունեության թափանցիկությունը և հրապարակայնությունը, ուստի կարևորում ենք Ձեր դիտողություններն ու առաջարկությունները՝ դրանք քննարկելու և ամենօրյա աշխատանքում ներառելու նպատակով: Հարգանքով՝ Թալին համայնքի ղեկավար Տավրոս Սափեյան
|
|
|
11.03.26
ՀԱՄԱՅՆՔՈՒՄ ՄԵԿՆԱՐԿԵԼ ԵՆ ԴԱՇՏԱՄԻՋՅԱՆ ԱՇԽԱՏԱՆՔՆԵՐԸ
|
Թալին համայնքի Արտենի բնակավայրում մեկնարկել են դաշտամիջյան ճանապարհների մաքրման և հարթեցման աշխատանքները։ Աշխատանքների նպատակն է բարելավել գյուղատնտեսական նշանակության հողատարածքներ տանող ճանապարհների վիճակը՝ ապահովելով գյուղացիների համար ավելի հարմար և անվտանգ մուտք դեպի իրենց հողատարածքներ։ Թալին համայնքապետարանը հետևողականորեն իրականացնում է նման աշխատանքներ համայնքի տարբեր բնակավայրերում՝ աջակցելով գյուղատնտեսական աշխատանքների արդյունավետ կազմակերպմանը։ |
|
|
11.03.26
ԿՈՄՈՒՆԱԼ ԲԱՐԵԿԱՐԳՄԱՆ ԱՇԽԱՏԱՆՔՆԵՐ
|
Թալին համայնքի կոմունալ ծառայության աշխատակիցների կողմից Թալին քաղաքում մեկնարկել են գարնանային բարեկարգման և մաքրման աշխատանքները։ Աշխատանքների շրջանակում իրականացվում են քաղաքի փողոցների, բակային տարածքների և հասարակական վայրերի մաքրում, աղբի հավաքում, ինչպես նաև այլ աշխատանքներ՝ քաղաքի սանիտարական վիճակի բարելավման նպատակով։ Գարնանային աշխատանքները կրելու են շարունակական բնույթ՝ ապահովելով քաղաքի մաքուր և բարեկարգ տեսքը։ Համայնքապետարանը հորդորում է բնակիչներին պահպանել մաքրությունը և աջակցել իրականացվող աշխատանքներին։ |
|
|
09.03.26
ԱՇԽԱՏԱՆՔԱՅԻՆ ԽՈՐՀՐԴԱԿՑՈՒԹՅՈՒՆ
|
Թալինի համայնքապետարանում համայնքի ղեկավարի գլխավորությամբ տեղի ունեցավ աշխատանքային խորհրդակցություն։ Խորհրդակցությանը ներկա էին համայնքապետարանի ղեկավար կազմի անդամները և ոլորտային պատասխանատուները։ Քննարկման ընթացքում անդրադարձ կատարվեց համայնքում իրականացվող աշխատանքների ընթացքին, դրանց որակի վերահսկողությանը, ինչպես նաև համայնքային տարբեր ոլորտներին վերաբերող ընթացիկ և կազմակերպչական մի շարք հարցերի։ Համայնքի ղեկավարը պատասխանատուներին հանձնարարեց շարունակել աշխատանքները սահմանված ժամանակացույցի և որակի պահանջների պահպանմամբ՝ ապահովելով համայնքում իրականացվող ծրագրերի արդյունավետ իրականացումը։ |
|
|
08.03.26
ԹԱԼԻՆ ՀԱՄԱՅՆՔԻ ՂԵԿԱՎԱՐ ՏԱՎՐՈՍ ՍԱՓԵՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՄԱՐՏԻ 8-Ի ԿԱՊԱԿՑՈՒԹՅԱՄԲ
|
|
Սիրելի՛ կանայք և աղջիկներ, մայրեր, քույրեր ու տատիկներ,Ջերմորեն շնորհավորում եմ ձեզ Մարտի 8-ի առթիվ։Այս օրը ևս մեկ առիթ է արժևորելու ձեր անփոխարինելի դերը մեր ընտանիքներում, համայնքում և հասարակական կյանքում։ Ձեր հոգատարությամբ ու նվիրվածությամբ կերտվում է ամուր ընտանիք, ձեր աշխատասիրությամբ՝ զարգանում է համայնքը, իսկ ձեր իմաստությամբ ու համբերությամբ՝ ձևավորվում է առողջ ու լուսավոր սերունդ։Կինը կյանքի շարունակության խորհրդանիշն է, ուժի ու մեղմության ներդաշնակ միավորումը։Ուրախ եմ, որ այսօր կանայք ակտիվ դերակատարում ունեն կառավարման, կրթության, առողջապահության, մշակույթի, բիզնեսի և հասարակական կյանքի տարբեր ոլորտներում՝ իրենց գիտելիքով, հետևողականությամբ ու պատասխանատվությամբ նպաստելով մի շարք ...
Մանրամասն |
|
|
06.03.26
ԱՇԽԱՏԱՆՔՆԵՐԻ ԴԻՏԱՐԿՈՒՄ ԹԱԼԻՆ ՔԱՂԱՔՈՒՄ
|
|
Թալին համայնքի ղեկավար Տավրոս Սափեյանն այսօր շրջայց կատարեց Թալին քաղաքում՝ տեղում ծանոթանալու ընթացիկ բարեկարգման և շինարարական աշխատանքների ընթացքին, ինչպես նաև արդեն ավարտված ծրագրերի արդյունքներին։Այս պահին ակտիվ շինարարական աշխատանքներ են ընթանում Թալինի կենտրոնական հրապարակում, ինչպես նաև Քոթանյան 11 շենքերի հարակից տարածքներում, որտեղ իրականացվում են բակային տարածքների կառուցման և բարեկարգման աշխատանքներ։Համայնքի ղեկավարը տեղում զրուցեց աշխատանքներն իրականացնող պատասխանատուների հետ, քննարկեց ընթացիկ խնդիրներն ու կազմակերպչական հարցերը և տվեց համապատասխան հանձնարարականներ։Շրջայցի ընթացքում դիտարկվեցին նաև քաղաքում իրականացվող փոսալցման աշխատանքները, Այգեստան փողոցում կատարված ասֆալտապատման ...
Մանրամասն |
|
|
06.03.26
ԹԱԼԻՆ ՀԱՄԱՅՆՔԻ ՂԵԿԱՎԱՐ ՏԱՎՐՈՍ ՍԱՓԵՅԱՆՆ ԱՅՍՕՐ ԱՇԽԱՏԱՆՔԱՅԻՆ ՀԱՆԴԻՊՈՒՄ ՈՒՆԵՑԱՎ ՆՈՐ ԱՐԹԻԿԻ և ՍՈՒՍԵՐԻ ԴՊՐՈՑՆԵՐԻ ՈՒՍՈՒՑՉԱԿԱՆ ԱՆՁՆԱԿԱԶՄԵՐԻ ՀԵՏ
|
Թալին համայնքի ղեկավար Տավրոս Սափեյանն այսօր աշխատանքային հանդիպում ունեցավ Նոր Արթիկի և Սուսերի դպրոցների ուսուցչական անձնակազմերի հետ։ Հանդիպման ընթացքում քննարկվեցին ուսումնական գործընթացը առաջիկայում Զարինջայի և Հացաշենի նոր կառուցվող դպրոցներում կազմակերպելու հետ կապված կազմակերպչական հարցեր, մասնավորապես ուսուցիչների և աշակերտների տեղափոխման հետ կապված խնդիրները: Ուսուցիչները ներկայացրին իրենց հուզող խնդիրներն ու առաջարկությունները, որոնք քննարկվեցին համայնքի ղեկավարի հետ։ Երկկողմ կառուցողական քննարկումների արդյունքում նախանշվեցին առկա խնդիրների հնարավոր լուծումները։ |
|
|
05.03.26
ՀԱՅԱՍՏԱՆԻ ԱԶԳԱՅԻՆ ՀԵՐՈՍ, ՍՊԱՐԱՊԵՏ ՎԱԶԳԵՆ ՍԱՐԳՍՅԱՆՆ ԱՅՍՕՐ ԿԴԱՌՆԱՐ 67 ՏԱՐԵԿԱՆ
|
|
Վազգեն Սարգսյանը մեր նորագույն պատմության ամենանշանակալի ու ազդեցիկ դեմքերից մեկն էր՝ մարդ, ով իր կամքով, խոր մտածողությամբ և անսահման նվիրումով դարձավ Հայաստանի պետականության ու բանակի կերտման հիմնասյուներից մեկը։ Նրա կյանքը պարզապես քաղաքական կամ ռազմական ուղի չէր, այլ գաղափարների և արժեքների պայքար՝ հանուն անկախ, ուժեղ և արժանապատիվ Հայաստանի։Վազգեն Սարգսյանն էր, ով կանգնեց Երկրապահ Կամավորական միության ստեղծման հիմքում՝ դառնալով դրա հավերժ նախագահը և ապացուցելով, որ հայրենիքի ուժը ծնվում է միասնականությունից, հավատից և նվիրումից։Հերոսների կյանքը տարիներով չի չափվում․ այն չափվում է հայրենիքի համար արած գործերով։ Նրանք անմահ են, քանի դեռ նրանց անունն ապրում է մեր ժողովրդի սրտերում և հայրենիքի ...
Մանրամասն |
|
| 1 2 3 4 5 6 7 8 9 10 ... |