Հանրային ծառայության մասին ՀՀ օրենքի 33-րդ հոդվածի 7-րդ մասով սահմանված շահերի բախման իրավիճակի մասին, Ես՝ Թալին համայնքի ղեկավար Տավրոս Սափեյանս հայտնում եմ, որ 29.02.2024թ-ին ՀՀ օրենքի 18-րդ հոդվածի 1-ին մասի 3 ենթակետի և 5-րդ հոդվածի համաձայն էլեկտրոնային եղանակով հայտարարվել է հեղուկ գազի և բնական գազի ձեռքբերման գնանշման հարցման ՀՀ ԱՄ ԹՀ-ԳՀԱՇՁԲ-24/25 ընթացակարգ, որի հայտերի ներկայացման վերջնաժամկետը սահմանվել է 07.03.2024թ ժամը 12:30-ը: Հայտերի բացումը կատարվել է armeps.am համակարգով: Մինչև սահմանված ժամկետը մասնակցության հայտ է ներկայացրել 1/մեկ մասնակից, այն է ,,Սափեյան Եղբայրներ,, ՍՊԸ-ն, որի իրական շահառուների հետ որպես պատվիրատուի ղեկավար ունեմ փոխկապակցվածություն:
Ընկերության ներկայացրած հայտը համապատասխանում է հրավերի պահանջներին: Գնահատող հանձնաժողովի անդամները ընկերության սեփականատերերի հետ որևէ շահերի բախում չունեն և ներկայացրած հայտը գնահատել են բավարար:
Ղեկավարվելով ,,Հանրային ծառայության մասին,, ՀՀ օրենքի 33 հոդվածի 1-ին, 5-րդ և 7-րդ մասերով հայտնում եմ, որ վերը նշված դեպքը կարող է հանգեցնել շահերի բախման իրավիճակի առաջացման, ուստի հանդես եմ գալիս հրապարակային հայտարարությամբ: