Քննության առնելով «ԴԱՐԻ ՔԱՐ» ՍՊԸ-ի տնօրեն Մխիթար Մանուկի Մխիթարյանի նկատմամբ «Վարչական իրավախախտումների վերաբերյալ» ՀՀ օրենսգրքի 54-րդ հոդվածի 1-ին մասով նախատեսված առերևույթ խախտման կապակցությամբ 2025 թվականի նոյեմբերի 12-ի որոշմամբ վարչական իրավախախումների վերաբերյալ հարուցված գործը․
ՊԱՐԶԵՑԻ
Թալինի համայնքապետարանի աշխատակազմի քաղաքաշինության և հողաշինության բաժնի կողմից 2025 թվականի նոյեմբերի 11-ին զեկուցագիր է ներկայացվել այն մասին, որ Թալին համայնքի Կաքավաձոր բնակավայրի վարչական տարածքում «ԴԱՐԻ ՔԱՐ» ՍՊ ընկերությունը ընդերքօգտագործում է իրականացնում առանց հողատեսքի նպատակային և գործառնական նշանակությունների համապատասխան փոփոխության, թույլ տալով «Վարչական իրավախախտումների վերաբերյալ» ՀՀ օրենսգրքի 54-րդ հոդվածի 1-ին մասով նախատեսված իրավախախտում։
Հարուցված վարչական վարույթի շրջանակներում 2025 թվականի նոյեմբերի 17-ին, ժամը 11։00-ին հրավիրվել է վարչական վարույթի լսում, որի վերաբերյալ պատշաճ ծանուցված «ԴԱՐԻ ՔԱՐ» ՍՊԸ-ի տնօրեն Մխիթար Մխիթարյանը ներկայացել է։
Մխիթար Մխիթարյանն իր արտահայտած դիրքորոշմամբ հայտնել է, որ 2025 թվականի մայիսի 19-ին դիմել է վերը նշված հողատարածքի հողատեսքի նպատակային և գործառնական նշանակության փոխոխելու համար, սակայն մինչ օրս պատասխան դեռ չի ստացել և համարելով ,որ պատասխանը նման դեպքում դրական է սկսել է շահագործել հանքավայրը և ավելացրեց, որ ներկա պահին միջոցներ է ձեռնարկում այն շտկելու ուղղությամբ։
Ուսումնասիրելով վարչական վարույթի նյութերը և գործով ձեռք բերված փաստական հանգամանքները, հաստատված համարվեց Մխիթար Մխիթարյանի կողմից կատարված վարչական իրավախախտման փաստը։ Ելնելով վերոգրյալից և ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ, 26-րդ կետերով, «Վարչական իրավախախտումների վերաբերյալ» ՀՀ օրենսգրքի 54-րդ, 2449, 281-282-րդ հոդվածների պահանջներով․
ՈՐՈՇՈՒՄ ԵՄ`
1․«ԴԱՐԻ ՔԱՐ» ՍՊԸ-ի տնօրեն Մխիթար Մխիթարյանի նկատմամբ նշանակել վարչական տույժ՝ տուգանք 100․000 /մեկ հարյուր հազար/ ՀՀ դրամի չափով։
2․Կասեցնել «ԴԱՐԻ ՔԱՐ» ՍՊ ընկերության կողմից իրականացվող գործունեությունը և ընդերքօգտագործումը մինչև օրենսդրությամբ սահմանված կարգով հողամասի նկատմամբ նպատակային նշանակության փոփոխելը։
3․Մխիթար Մխիթարյանին առաջարկել Հայաստանի Հանրապետության օրենսդրության պահանջներին համապատասխան միջոցներ ձեռք առնել նշված իրավախախտման հետևանքները 15 /տասնհինգ/ օրյա ժամկետում վերացնելու ուղղությամբ։
4․Տույժը պետք է վճարվի 900465109081 հաշվեհամարին, «Նպատակ» դաշտում պարտադիր նշելով որոշման համարը։
5.Սույն որոշումն ուժի մեջ է մտնում Մխիթար Մխիթարյանին իրազեկելուն հաջորդող օրվանից կամ սույն որոշմամբ ուղղակիորեն շոշափվող անձանց վերաբերյալ տեղեկությունները հայտնի չլինելու դեպքում հրապարակման պահից, azdarar.am կայքի և/ կամ համայնքապետարանի տեղեկագրերում հրապարակելու միջոցով: 6․Տուգանքը պետք է վճարվի այն նշանակելու մասին որոշումը հասցեատիրոջը հանձնելու օրվանից ոչ ուշ, քան տասնհինգ օրվա ընթացքում, իսկ այդ որոշումը գանգատարկելու կամ բողոքարկելու դեպքում` գանգատը կամ բողոքը առանց բավարարման թողնելու մասին ծանուցման օրվանից ոչ ուշ, քան տասնհինգ օրվա ընթացքում:
7․Սույն որոշումը կարող է բողոքարկվել օրենքով սահմանված կարգով։