Ղեկավարվելով <<Տեղական ինքնակառավարման մասին>> ՀՀ օրենքի 18-րդ հոդվածի 1-ին մասի 29-րդ և 31-րդ կետով, ՀՀ հողային օրենսգրքի 7-րդ հոդվածի 15-րդ կետով, հիմք ընդունելով «ՎՌ ԱՐՄԵՆԻԱՆ ՖՐՈՒԹ» ՍՊԸ-ի լիազորված անձ Մհեր Հայրապետյանի 10.05.2023 թվականի հողամասի նպատակային նշանակության փոփոխման մասին դիմումը,

Թալին համայնքի ավագանին որոշում է`

1.«ՎՌ ԱՐՄԵՆԻԱՆ ՖՐՈՒԹ» ՍՊԸ-ի սեփականություն հանդիսացող 02-016-0250-0048-ից կադաստրային ծածկագրով հողամասից առանձնացված 1,755236 հա մակերեսով գյուղատնտեսական նշանակության վարելահողի և 0,134064 հա մակերեսով գյուղատնտեսական նշանակության այլ հողատեսքի (ընդամենը՝ 1,88929 հա) նպատակային և գործառնական նշանակությունները փոփոխել արդյունաբերական, ընդերքօգտագործման և այլ արտադրական նշանակության, գյուղատնտեսական արտադրական գործառնական նշանակության հողերի:
2.Թալին համայնքի ղեկավարին՝ <<Քաղաքաշինության մասին>> ՀՀ օրենքի 14.3-րդ հոդվածի 30-րդ մասի համաձայն, նշված փոփոխությունը արտացոլել համայնքի ընթացիկ քաղաքաշինական քարտեզում և կատարել հողամասի նպատակային և գործառնական նշանակությունների փոփոխության պետական գրանցում։
3.Սույն որոշումն ուժի մեջ է մտնում պաշտոնական հրապարակմանը հաջորդող օրվանից։