Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հայաստանի Հանրապետության քաղաքացիական օրենսգրքի 688-րդ և 689-րդ հոդվածներով, հիմք ընդունելով «Կայուն սոցիալ-տնտեսական զարգացում և կրթություն» լաբ հասարակական կազմակերպության գործադիր մարմնի ղեկավար Վերժինե Մկրտչյանի դիմումը և համայնքի ղեկավարի առաջարկությունը՝

Թալին համայնքի ավագանին որոշում է՝

1. Տալ համաձայնություն Թալին համայնքի սեփականություն հանդիսացող օդորակիչը, համաձայն կից հավելվածի, անհատույց օգտագործման իրավունքով 14 (տասնչորս) ամիս ժամկետով տրամադրելու «Կայուն սոցիալ-տնտեսական զարգացում և կրթություն» ԼԱԲ հասարակական կազմակերպությանը, Թալին համայնքի տեղական ռեսուրսների արդյունավետ օգտագործման, համայնքային մասնակցության և երիտասարդության ներուժի ակտիվացման նպատակով։

2. Սահմանել, որ «Կայուն սոցիալ-տնտեսական զարգացում և կրթություն» լաբ հասարակական կազմակերպությունը պարտավոր է ապահովել տրամադրված գույքի պատշաճ պահպանումը, բարեխիղճ շահագործումը և օգտագործման ժամկետի ավարտից հետո վերադարձնել այն նույն վիճակում՝ հաշվի առնելով բնականոն մաշվածքը։

3. Թալին համայնքի ղեկավարին՝ «Կայուն սոցիալ-տնտեսական զարգացում և կրթություն» լաբ հասարակական կազմակերպության հետ կնքել գույքի անհատույց օգտագործման պայմանագիր և ապահովել գույքի հանձնման-ընդունման ակտի կազմումը։

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։