Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, ՀՀ հողային օրենսգրքի 5-րդ հոդվածով, և հիմք ընդունելով ՀՀ կառավարության 18 մայիս 2006 թվականի թիվ 912-Ն որոշմամբ հաստատված ինքնակամ կառույցների օրինականացման և տնօրինման կարգի 4-րդ գլխի պահանջները, 18 մայիս 2006 թվական թիվ 731-Ն որոշումը, Սուրեն Սերյոժայի Գրիգորյանի 09 փետրվար 2024 թվականի դիմումը, ինչպես նաև հաշվի առնելով, որ Սուրեն Սերյոժայի Գրիգորյանի կողմից Թալին համայնք ք.Թալին Ռ․Միրոյան փողոց 8/12 ավտոտնակ հասցեում գտնվող, 02-003-0040-0085 կադաստրային ծածկագրով համայնքային սեփականություն հանդիսացող բնակավայրերի նպատակային նշանակության, բնակելի կառուցապատման գործառնական նշանակության 139․4 քմ հողամասում ինքնակամ կառուցված շինությունները՝ ավտոտնակը, ծածկը և պարիսպը կառուցված չեն ՀՀ հողային օրենսգրքի 60-րդ հոդվածի սահմանափակումների ցանկում ընդգրկված հողամասում, չեն գտնվում ինժեներատեխնիկական, տրանսպորտային և այլ կոմունիկացիոն օբյեկտների օտարման գոտիներում, չեն հակասում քաղաքաշինական նորմերին, չեն առաջացնում հարկադիր սերվիտուտ պահանջելու իրավունք և դրանց պահպանումը չեն խախտում այլ անձանց իրավունքները.

ՈՐՈՇՈՒՄ ԵՄ`

1.Կառուցապատող Սուրեն Սերյոժայի Գրիգորյանի կողմից Արագածոտնի մարզ Թալին համայնք ք.Թալին Ռ․Միրոյան փողոց 8/12 ավտոտնակ հասցեում ինքնակամ զբաղեցրած 02-003-0040-0085 ծածկագրով 139․4 քմ բնակավայրերի նպատակային նշանակության, բնակելի կառուցապատման գործառնական նշանակության հողամասը և հողամասի վրա կառուցված, ընդհանուր 78․58 քմ արտաքին մակերեսով շինությունները՝ ավտոտնակը, ծածկը և պարիսպը ճանաչել օրինական գույք, որպես քաղաքացի Սուրեն Սերյոժայի Գրիգորյանի սեփականություն և
-հողի արժեքը՝ (139․4 քմ x 1221) = 170207 (մեկ հարյուր յոթանասուն հազար երկու հարյուր յոթ) ՀՀ դրամ:
-շինության արժեքը՝ (76․27 քմ x 1209) +(2․31 քմ x 2418) = 97796 (իննսունյոթ հազար յոթ հարյուր իննսունվեց) ՀՀ դրամ:
-համայնքապետարանի կողմից գույքի գրանցման հետ կապված ծախսեր`38000 (երեսունութ հազար) ՀՀ դրամ,
-ընդամենը`306003 (երեք հարյուր վեց հազար երեք) ՀՀ դրամով օտարել Սուրեն Սերյոժայի Գրիգորյանին:
2․Սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում որոշումը համարվում է ուժը կորցրած։
3.Սույն որոշումն ուժի մեջ է մտնում պաշտոնական հրապարակմանը հաջորդող օրվանից։