Նիստը վարող Մանուշակ Շատոյանը նշեց, որ ղեկավարվելով ՀՀ «Ընտրական օրենսգիրք» սահմանադրական օրենքի 142,2 հոդվածի 2-րդ մասի պահանջներով, հիմք ընդունելով թիվ 18 ընտրատարածքային ընտրական հանձնաժողովի 2022թ,-ի հոկտեմբերի 2-ի «Արագածոտնի մարզի Թալին համայնքի 2022թ.-ի սեպտեմբերի 25-ի ընտրությունների արդյունքներով Թալին համայնքի ավագանի ընտրվելու մասին» N32-Ա որոշումը և թիվ 18 ընտրատարածքային ընտրական հանձնաժողովի 2022թ.-ի հոկտեմբերի 6-ի «ՀՀ Արագածոտնի մարզի Թալին համայնքի ավագանու ընտրված անդամներ գրանցելու մասին» N3 արձանագրությունը, օրենքի ուժով Թալին համայնքի ընտրված ղեկավար է համարվում Տավրոս Էդիկի Սափեյանը։

Նիստը վարող Մանուշակ Շատոյանը շնորհավորեց Տավրոս Սափեյանին Թալին համայնքի ղեկավար ընտրվելու կապակցությամբ և հրավիրեց տեղ զբաղեցնել նախագահությունում նիստը վարելու համար, որի հետ կապված, առարկեց ավագանու անդամ Մնացական Մնացականյանը առ այն, որ նիստը պետք է վարի ավագանու տարիքով ավագ անդամը։ Չնայած այն բանին, որ ավագանու անդամ Սերգե Մկրտչյանը ներկայացրեց, որ համաձայն «Տեղական ինքնակառավարման մասին» ՀՀ օրենքի 64-րդ հոդվածի 1.2. կետի ավագանու տարիքով ավագ անդամը նիստը վարում է մինչև համայնքի ղեկավարի ընտրվելը, որը արդեն կայացած փաստ է և համայնքի ղեկավարի ընտրվելը հրապարակվել է ավագանու նիստում և հետևաբար նիստը պետք է շարունակի վարել օրենքի ուժով Թալին համայնքի ղեկավար ընտրված Տավրոս Սափեյանը, այնուամենայնիվ «Արդար Հայաստան» կուսակցության ավագանու անդամ Մնացական Մնացականյանը անհամաձայնություն հայտնեց և «Արդար Հայաստան» կուսակցության  ու «ՀՅԴ» հուսակցության ավագանու անդամների հետ լքեց նիստերի դահլիճը, որից հետո ավագանու նիստը շարունակեց վարել Տավրոս Սափեյանը.