Այսօր աշխատանքային օրը Թալինի համայնքապետարանում մեկնարկեց համայնքի ղեկավարի կողմից հրավիրված աշխատանքային խորհրդակցությամբ։ Խորհրդակցությանը մասնակցեցին համայնքապետարանի ղեկավար կազմը և աշխատակազմի կառուցվածքային ստորաբաժանումների ղեկավարները։
Աշխատանքային խորհրդակցության նպատակից ելնելով՝ քննարկվեցին և վերլուծվեցին համայնքային նշանակության տարաբնույթ և բազմաբովանդակ հարցեր, անդրադարձ կատարվեց համայնքում առկա խնդիրներին, առանձին-առանձին քննարկվեց համայնքապետարանի աշխատակազմի կառուցվածքային ստորաբաժանումների գործունեությունը։
Ստորաբաժանումների ղեկավարները հանդես եկան զեկուցումներով, ներկայացնելով իրենց ոլորտներում իրականացվող աշխատանքների ընթացքը, առաջացած խնդիրները, քննարկվեցին առաջիկա անելիքները։ Ամփոփվեցին արդեն իրականացված աշխատանքները, քննարկվեցին դրանց արդյունքները։
Համայնքի ղեկավարը խորհրդակցության ընթացքում համապատասխան ստորաբաժանումների ղեկավարների հետ քննարկեց մշակութային, կոմունալ, սոցիալական, իրավաբանական, ֆինանսական, գյուղատնտեսական, քաղաքաշինական և այլ ոլորտային տարատեսակ հարցեր։
|