Թալին համայնքի ղեկավար Տավրոս Սափեյանն աշխատանքային խորհրդակցություն անցկացրեց համայնքի վարչական ղեկավարների հետ։ Հանդիպմանը մասնակցում էին նաև համայնքապետարանի ղեկավար կազմը։

Խորհրդակցության սկզբում համայնքի ղեկավարը ներկայացրեց օրակարգային մի շարք հարցեր, որոնց շուրջ ծավալվեցին լայն քննարկումներ։ Հանդիպման ընթացքում քննարկվեցին յուրաքանչյուր բնակավայրում մինչ օրս իրականացված, ընթացքի մեջ գտնվող և առաջիկայում նախատեսվող աշխատանքները։

Քննարկումների առանցքում էին հավաքագրումներին, բնակավայրերում ընթացող աշխատանքներին, աշխատանքային կարգուկանոնին, համայնքի խնդիրներին վերաբերող այլ հարցեր։

Բնակավայրերում աշխատանքային գործունեությունը համակարգված և արդյունավետ իրականացնելու համար համայնքի ղեկավարը՝ տվեց հանձնարարականներ։