Այսօր Թալին խոշորացված համայնքի ղեկավար Տավրոս Սափեյանն աշխատանքային խորհրդակցություն անցկացրեց Թալինի բնակավայրերի վարչական ղեկավարների հետ։ Հանդիպմանը մասնակցեցին նաև համայնքի ղեկավարի տեղակալները, խորհրդականը, օգնականները, Թալինի համայնքապետարանի կառուցվածքային ստորաբաժանումների ղեկավարներ և աշխատակիցներ։
Հանդիպման օրակարգում ընդգրկված էին համայնքում ընթացող աշխատանքների, կարիքների, անելիքների և խնդիրների շրջանակները ընդգրկող հարցեր և թեմաներ։
Լայն քննարկումներ ծավալվեցին սարերից եկող ջրերի բնակավայրերին ճիշտ բաշխում իրականացնելու, ջրային ռեսուրսների և պաշարների համաչափ օգտագործելու վերաբերյալ։ Հաջորդիվ անդրադարձ կատարվեց համայնքում նախատեսվող սուբվենցիոն ծրագրերին, զուգահեռ քննարկվեցին ներկա պահին ընթացող մանր և խոշոր աշխատանքներն ու առաջիկա առաջնահերթ անելիքները։
Խորհրդակցության ընթացքում քննարկվեցին նաև այլ հարցեր, վարչական ղեկավարների կողմից հնչեցին հարցեր և առաջարկություններ։ Համայնքի ղեկավարի կողմից տրվեցին աշխատանքային ընթացքը կարգավորող հանձնարարականներ։