Թալին համայնքի ղեկավար Տավրոս Սափեյանն այսօր անցկացրեց աշխատանքային խորհրդակցություն համայնքի վարչական ղեկավարների հետ: Հանդիպմանը մասնակցում էին նաև համայնքապետարանի ղեկավար կազմը և ստորաբաժանումների ղեկավարներ:
Խորհրդակցության ընթացքում քննարկվեցին համայնքային զարգացմանն ուղղված մի շարք կարևոր հարցեր։ Օրակարգային թեմաների շրջանակներում համայնքի ղեկավարը նախ ներկայացրեց նորանշանակ վարչական ղեկավարներին, հաջորդիվ քննարկումներ ծավալվեցին 2026 թվականի սուբվենցիոն ծրագրերի վերաբերյալ : Ներկայացվեցին համայնքի զարգացման համար նախատեսվող ծրագրերը, ինչպես նաև շեշտադրվեց պետական և համայնքային համաֆինանսավորմամբ իրականացվելիք նախաձեռնությունների կարևորությունը և առաջնահերթությունները:
Քննարկումներ ծավալվեցին նաև առաջիկա գարնանային աշխատանքների վերաբերյալ: Խոսվեց բարեկարգման աշխատանքների մեկնարկի մասին, առանձնահատուկ ուշադրություն դարձնելով տարածքների մաքրմանը, կանաչապատմանը:
Հաջորդիվ քննարկվեցին համայնքային բյուջեի ընթացիկ կատարողականի, առաջիկա ֆինանսական պլանավորումների և համայնքային միջոցների արդյունավետ օգտագործման ուղղությունների վերաբերյալ հարցեր:
Խորհրդակցության ընթացքում համայնքի ղեկավար Տավրոս Սափեյանը կարևորեց բոլոր ծրագրերի համակարգված իրականացումը, ընդգծելով համայնքային ղեկավարների դերակատարությունը Թալինի զարգացման գործում։
|