Թալին համայնքի ղեկավար Տավրոս Սափեյանն այսօր աշխատանքային խորհրդակցություն էր հրավիրել համայնքապետարանի ղեկավար կազմի , Կոմունալ և Զարգացման ծրագրերի բաժինների ղեկավարների ու աշխատակցի մասնակցությամբ։
Հանդիպման առանցքային նպատակը 2025 թ․-ի սուբվենցիոն ծրագրերի վերաբերյալ ընդհանուր քննարկում իրականացնելն էր։ Մինչ այժմ համայնքի բոլոր բնակավայրերում անցկացվել են քննարկումներ բնակիչների հետ, արձանագրվել են նրանց կողմից բարձրացված խնդիրները և առաջնային հարցերը։ Բնակիչների կողմից առաջարկված հիմնական ծրագրերն ուղղված են բնակավայրի փողոցների ասֆալտապատմանը, մանկապարտեզների և մշակույթի տների կառուցման/հիմնանորոգմանը, խմելու ու ոռոգման ջրերի համակարգերի կառուցմանը, գազաֆիկացմանը և այլն։
Այսօր համայնքի ղեկավարին ներկայացվեցին վերոնշյալ խնդիրները, դրանց շուրջ ծավալվեցին լայնածավալ քննարկումներ՝ այդ թվում համայնքի առաջնային լուծում պահանջող խնդիրների քարտեզագրում և ֆինանսական հարցերի քննարկում։