Աշխատանքային խորհրդակցություն՝ օրակարգային տասնյակ հարցերի քննարկմամբ.
Աշխատանքային շաբաթվա մեկնարկը Թալին համայնքապետարանում տրվեց աշխատանքային խորհրդակցությամբ։ Համայնքի ղեկավար Տավրոս Սափեյանի նախագահությամբ կայացած խորհրդակցությանը մասնակցում էին համայնքապետարանի ղեկավար կազմը և կոմունալ ոլորտի պատասխանատուն։
Օրակարգում ընդգրկված էին շենքերի և շինությունների վերանորոգման ու կառուցապատման, պուրակների և հանրային տարածքների բարեկարգման, կրթական, մշակութային և առողջապահական կենտրոնների թարմացման, ջրային ցանցի արդիականացման, ինչպես նաև համայնքային և դաշտամիջյան ճանապարհների բարեկարգման, կանաչապատման և կոմունալ աշխատանքների կազմակերպմանն առնչվող հարցեր։
Քննարկվեցին նաև ընթացիկ նախագծային աշխատանքներն ու առաջիկայում նախատեսվող միջոցառումները։ Համայնքի ղեկավարի կողմից տրվեցին հստակ հանձնարարականներ՝ աշխատանքների արդյունավետ և ժամանակին իրականացման համար։