Ներկա պահին համայնքում մեծ թափով կատարվում են բարեկարգման և շինարարական տարբեր աշխատանքներ․ իրականացվում է խմելաջրի և ոռոգման ջրի համակարգերի հիմնանորոգում, կառուցվում են օրվա կարգավորիչ ջրամբարներ, վերանորոգվում են մանկապարտեզները, իրականացվում են ասֆալտապատման և պուրակների կառուցման աշխատանքներ, տանիքների վերանորոգում, գազաֆիկացման ծրագրեր, ինչպես նաև արևային ֆոտովոլտային կայարանների կառուցում և շինարարական այլ լայնածավալ ծրագրեր։ Աշխատանքներն ընթանում են համայնքի բոլոր բնակավայրերում՝ ամբողջ համայնքի տարածքը պահելով ուշադրության կենտրոնում։