Թալին համայնքի ղեկավար Տավրոս Սափեյանը այսօր հրավիրել էր աշխատանքային խորհրդակցություն, որին մասնակցեցին համայնքապետարանի ղեկավար կազմը և Կոմունալ ՀՈԱԿ-ի ներկայացուցիչները։
Քննարկման ընթացքում բարձրացվեցին համայնքի կոմունալ, քաղաքաշինական, աշխատանքային և այլ կարևոր հարցեր։ Առանձին անդրադարձ կատարվեց առաջիկայում նախատեսվող ծրագրերին, համայնքային տեխնիկայի օգտագործմանն ու աշխատանքների կազմակերպման մանրամասներին։
Համայնքի ղեկավարին ներկայացվեցին տեղեկություններ համայնքի բոլոր բնակավայրերում և Թալին քաղաքում ընթացող լայնածավալ ծրագրերի վերաբերյալ։ Այս օրերին համայնքում իրականացվում են ջրագծերի կառուցման ու բարեկարգման, ճանապարհների և մայթերի ասֆալտապատման, գազաֆիկացման, պուրակների կառուցման, ՀՈԱԿ-ների շենքերի վերանորոգման և մի շարք այլ աշխատանքներ։
Խորհրդակցության ավարտին Տավրոս Սափեյանի կողմից տրվեցին հանձնարարականներ՝ ուղղված աշխատանքների համակարգմանն ու արդյունավետ կազմակերպմանը։