Խորհրդակցության ընթացքում ուշադրության կենտրոնում էին համայնքի առկա խնդիրները, ընթացիկ ու ծրագրավորված աշխատանքները։ Մասնավորապես անդրադարձ եղավ հավաքագրումներին՝ գույքահարկի և հողի հարկի ուղղությամբ իրականացվող աշխատանքներին։ Համայնքի ղեկավարը կարևորեց հարկերի հավաքագրման ճիշտ կազմակերպումը՝ այն դիտարկելով որպես համայնքային կառավարման առանցքային գործոն։

Առանձնակի անդրադարձ կատարվեց նաև սուբվենցիոն ծրագրերին, որոնք այս փուլում լայնածավալ և ակտիվ կերպով իրականանում են բնակավայրերում։

Օրակարգում ներառված հարցերը քննարկվեցին հերթականությամբ, ներկաներին ներկայացվեցին նաև աշնանացանի ծրագրի մանրամասները։

Տավրոս Սափեյանը կարևորեց պատասխանատու անձանց ակտիվ ներգրավվածությունը առաջիկա ծրագրերի իրականացման գործում՝ ընդգծելով հետևողական աշխատանքի կարևորությունը։

Խորհրդակցության ավարտին տրվեցին հանձնարարականներ, որոնք հասցեագրված են բնակավայրերի խնդիրների արագ և արդյունավետ լուծմանը։