Այսօր Թալին համայնքի ղեկավար Տավրոս Սափեյանի նախաձեռնությամբ անցկացվեց աշխատանքային խորհրդակցություն, որի նպատակն էր քննարկել համայնքին վերաբերող մի շարք կարևոր հարցեր: Խորհրդակցությանը մասնակցում էին համայնքապետարանի ղեկավար կազմի անդամները, ինչպես նաև կոմունալ ոլորտի պատասխանատուն:
Խորհրդակցության ընթացքում արծարծվեցին համայնքի սոցիալ-տնտեսական զարգացմանն առնչվող մի շարք թեմաներ: Մասնավորապես՝ կոմունալ ոլորտի ընթացիկ խնդիրները, համայնքի բյուջետային ծրագրերը, քաղաքաշինական և կառուցապատման աշխատանքները, բնակիչների ժամանցի կազմակերպման հարցեր, համայնքի արտաքին տեսքի բարելավմանն ու կանաչապատմանը վերաբերող և այլ բնույթի թեմաներ։
Համայնքի բնակավայրերի պատասխանատուները հանդես եկան զեկուցումներով՝ ներկայացնելով բնակավայրերում ընթացող աշխատանքները, առկա խնդիրներն ու առաջիկա անելիքները, խորհրդակցության ավարտին Տավրոս Սափեյանը հանձնարարականներ տվեց պատասխանատուներին՝ համապատասխան աշխատանքներն իրականացնելու համար։