Աշխատանքային նախորդ շաբաթն ամփոփելու, համայնքի ընթացիկ հարցերն ու առաջիկա պլանները քննարկելու նպատակով, Թալին համայնքի ղեկավար Տավրոս Սափեյանն այսօր խորհրդակցություն անցկացրեց համայնքապետարանի ղեկավար կազմի հետ։
Քննարկվեցին համայնքի բոլոր բնակավայրերին վերաբերող հարցեր, խնդիրներ, ընթացիկ բարեկարգումներին և այլ աշխատանքներին վերաբերող թեմաներ։
Համայնքի ղեկավարին զեկուցվեցին այս ընթացքում իրականացվող լայնածավալ աշխատանքները։
Համայնքի բոլոր բնակավայրերում իրականացվում են տարաբնույթ աշխատանքներ, կառուցվում կամ վերակառուցվում են պուրակներ, խաղահրապարակներ, բարեկարգվում են լուսավորության համակարգերը, ջրագծերը, կոյուղիները, կառուցվում են խմոցներ, տաղավարներ, բարեկարգվում են ճանապարհներ, մշակույթի տներ, մանկապարտեզներ, իրականացվում են այլ բազմաթիվ աշխատանքներ։