Տասնյակ հարցերի քննարկմամբ, այսօր տեղի ունեցավ տարվա առաջին աշխատանքային խորհրդակցությունը․
Թալին համայնքի ղեկավար Տավրոս Սափեյանն այսօր անցկացրեց 2025 թվականի առաջին աշխատանքային խորհրդակցությունը՝ համայնքապետարանի ղեկավար կազմի և Կոմունալ ոլորտի պատասխանատուի մասնակցությամբ։
Խորհրդակցության սկզբում համայնքի ղեկավարը շնորհավորեց ներկաներին Ամանորի կապակցությամբ՝ մաղթելով աշխատանքային հաջողակ և բարեբեր տարի։
Խորհրդակցության ընթացքում քննարկվեցին համայնքի հիմնական խնդիրները, առաջիկա ծրագրերը և աշխատանքների կատարման ընթացքը։
Համայնքի ղեկավարը ներկայացրեց տարվա առաջնահերթություններն ու նոր նախագծերը, որոնք ուղղված են Թալինի զարգացմանը։
Համայնքի կոմունալ ենթակառուցվածքների բարելավման հարցը շարունակում է մնալ առաջնահերթ, Սափեյանը նշեց, որ 2025 թվականին առավել մեծ ուշադրություն պետք է հատկացվի լուսավորության համակարգի վերանորոգմանն ու ընդլայնմանը, աղբահանության գործընթացի բարելավմանը, կոմունալ նոր տեխնիկաների ձեռքբերմանը, ծառատնկմանը և կանաչ գոտիների ընդլայնմանը, կոմունալ բնույթի այլ աշխատանքներին։
Խորհրդակցության ընթացքում քննարկվեցին 2025թ․-ի սուբվենցիոն ծրագրերը, ընթացիկ աշխատանքները, առաջիկա ծրագրերն ու քայլերը, համայնքի զարգացմանն ուղղված հետագա անելիքները, առանձնացվեցին երկարաժամկետ նպատակներն ու առաջնահերթությունները՝ որոնք ներառում են տարբեր ոլորտներ։
Համայնքի ղեկավար Տավրոս Սափեյանը կարևորեց համայնքի աշխատակազմի դերը՝ որպես համայնքի ծրագրերի և գործողությունների իրականացման առանցքային ուժ։ Կարևորվեց նաև միասնական թիմային աշխատանքը և արդյունավետության բարձրացումը՝ համայնքի բնակիչների կարիքները բավարարելու համար։
Ձեռքբերումներով և աշխատանքային հաջողություններով լի տարի բոլորիս։
|