Խորհրդակցության սկզբում համայնքի ղեկավարը շնորհակալություն հայտնեց «Ֆեստիվառ» մշակութային-երաժշտական փառատոնի և Թալինի օրվան նվիրված միջոցառումների կազմակերպման և բարձր մակարդակով անցկացման գործում ներգրավված բոլոր պատասխանատուներին, համայնքապետարանի աշխատակիցներին և կամավորներին՝ բարձր գնահատելով նրանց նվիրված, կազմակերպված և պատասխանատու աշխատանքը։

Այնուհետև գյուղատնտեսության ոլորտի պատասխանատուների հետ քննարկվեցին Թալին համայնքի մի շարք բնակավայրերում վերջերս տեղի ունեցած կարկտահարության հետևանքով պատճառված վնասների գնահատման ընթացքն ու բնակիչներին փոխհատուցման հնարավոր մեխանիզմները։ Համայնքի ղեկավարը հանձնարարեց ապահովել գործընթացի պատշաճ կազմակերպումն ու բնակիչներին անհրաժեշտ տեղեկատվության տրամադրումը։

Խորհրդակցության ընթացքում անդրադարձ կատարվեց նաև համայնքում իրականացվող ընթացիկ աշխատանքներին, քննարկվեցին առաջիկա ծրագրերը և առաջնահերթ անելիքները։