Այսօր, Թալին համայնքի ղեկավար Տավրոս Սափեյանի նախագահությամբ, համայնքապետարանում տեղի ունեցավ աշխատանքային խորհրդակցություն՝ համայնքապետարանի ղեկավար կազմի և ոլորտային պատասխանատուների մասնակցությամբ։
Խորհրդակցություն ընթացքում քննարկվեցին համայնքի ենթակայության տակ գտնվող կառույցների և ՀՈԱԿ-ների գործունեության ընթացքը, դրանց արդյունավետության բարձրացման ուղիները, ինչպես նաև կոմունալ ծառայությունների բարելավումը, բնակչությանը մատուցվող ծառայությունների որակի բարձրացումը, բարեկարգման և քաղաքաշինական ծրագրերի ընթացքը։ Առանձնահատուկ ուշադրություն դարձվեց դաշտամիջյան ճանապարհների վիճակի բարելավմանը, արտաքին լուսավորության համակարգի արդիականացմանը, ինչպես նաև համայնքի կանաչապատ տարածքների, պուրակների և հանգստի գոտիների բարեկարգման աշխատանքներին։ Քննարկվեցին այսօր կազմակերպվող մրցաշարի կազմակերպչական հարցերը։