Համայնքի ղեկավար Տավրոս Սափեյանի գլխավորությամբ տեղի ունեցավ աշխատանքային խորհրդակցություն, որին մասնակցում էին համայնքապետարանի ղեկավար կազմը և ոլորտային պատասխանատուները։

Խորհրդակցության ընթացքում քննարկվեցին 2026 թվականին իրականացվելիք սուբվենցիոն ծրագրերը, դրանց իրականացման հերթականությունն ու ընթացքը, ինչպես նաև մի շարք այլ կարևոր հարցեր։ Ոլորտային պատասխանատուները համայնքի ղեկավարին զեկուցեցին ընթացիկ աշխատանքների իրականացման արդյունքների մասին, այդ թվում՝ համայնքում իրականացվող ձնամաքրման աշխատանքների ընթացքը։

Առանձնահատուկ ուշադրություն դարձվեց կոմունալ ծառայության կողմից իրականացվող ձնամաքրման աշխատանքներին։ Համայնքի ղեկավարը ոլորտային պատասխանատուներին տվեց համապատասխան հանձնարարականներ՝ աշխատանքների արագ, պատշաճ և որակով կազմակերպման համար։