Ղեկավարվելով «Տեղական ինքնակառավարման մասին ՀՀ օրենքի 10-րդ հոդվածի 10-րդ կետով, 48-րդ հոդվածի 1-ին մասի 1․1․կետի 2-րդ ենթակետով և Թալին համայնքի ավագանու 11․02․2025թ․ N 03-Ն որոշմամբ հաստատված «Թալին համայնքի կամավոր խնդիրները ու դրանց լուծմանն ուղղված սեփական լիազորությունները սահմանելու և իրականացնելու կարգի»-ի 8-րդ կետի 12-րդ ենթակետով, հիմք ընդունելով քաղաքացի Սուսիկ Քոչոյանի 30․04․2025թ․ N 056/2041 դիմումը, համայնքի ղեկավարի 12․05․2025թ․ N101 կարգադրությամբ ստեղծված վերանորոգման աշխատանքների ծավալն ուսումնասիրող հանձնաժողովի ուսումնասիրությունը, կամավոր խնդիրների լուծման նախաձեռնությունը ուսումնասիրող հանձնաժողովի 12․05․2025թ-ի եզրակացությունը, հաշվի առնելով այն հանգամանքը, որ Արտենի գյուղի բնակչուհի Սուսիկ Քոչոյանը զոհվածի այրի է, հանդիսանում է երկու անչափահաս երեխաների խնամակալ, գտնվում է սոցիալապես շատ վատ վիճակում,

Թալին համայնքի ավագանին որոշում է՝

1.Տալ համաձայնություն, որպես սոցիալապես անապահով ընտանիք՝ Արտենի բնակավայրի բնակչուհի Սուսիկ Քոչոյանին տանիքի վերանորոգման նպատակով 300․000 (երեք հարյուր հազար) դրամի չափով սոցիալական աջակցություն տրամադրելու համար։
2.Սույն որոշումն ուժի մեջ է մտնում պաշտոնական հրապարակման հաջորդ օրվանից։