Այսօր՝ Թալին համայնքի ղեկավար Տավրոս Սափեյանի նախագահությամբ, համայնքապետարանում կայացավ աշխատանքային խորհրդակցություն, որին մասնակցում էին համայնքապետարանի ղեկավար կազմի ներկայացուցիչները և կոմունալ ոլորտի պատասխանատուն։

Խորհրդակցության առաջնային թեմաներից էին համայնքում ձյան տեղումների հետևանքով առաջացած խնդիրները, ձնամաքրման աշխատանքների կանոնավոր և արդյունավետ կազմակերպումը, ինչպես նաև ճանապարհների քարտեզագրման հետ կապված հարցերը։

Օրակարգում ընդգրկված էին նաև սուբվենցիոն ծրագրերի իրականացումը, նախագծային աշխատանքների ընթացքը, համայնքում կատարվող բարեկարգման աշխատանքները և ֆինանսական բնույթի հարցերը։ Առանձնահատուկ ուշադրություն դարձվեց այս օրերին համայնքում իրականացվող Մասնակցային բյուջետավորման ծրագրին, որի շրջանակում քննարկվեցին ընթացիկ փուլը և առաջիկա քայլերը։ Քննարկվեցին օրակարգային տասնյակ այլ հարցեր։