Այսօր վաղ առավոտյան Թալինի համայնքապետարանում տեղի ունեցավ աշխատանքային խորհրդակցություն, որը վարում էր համայնքի ղեկավար Տավրոս Սափեյանը։ Խորհրդակցությանը մասնակցում էին համայնքապետարանի ղեկավար կազմի անդամները։

Հանդիպման շրջանակում քննարկվեցին համայնքի տարբեր բնակավայրերում իրականացվող աշխատանքների ընթացքը, արձանագրված արդյունքներն ու առկա խնդիրները։ Զեկուցվեցին նաև շինարարական, բարեկարգման, կոմունալ և համայնքային զարգացման այլ ուղղություններով կատարվող ծրագրերի մասին։ Հատուկ ուշադրություն դարձվեց աշխատանքների կատարման ժամկետներին, որակին և բնակիչների կողմից բարձրաձայնվող հարցերին։ Քննարկվեցին բնակավայրերի առաջնային խնդիրները:

Խորհրդակցության ավարտին համայնքի ղեկավարը տվեց մի շարք հանձնարարականներ՝ նպատակաուղղված համայնքային ծառայությունների արդյունավետության բարձրացմանը և բնակչության կարիքներին արձագանքելուն։