ՆԱԽԱԳԻԾ

Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, ՀՀ հողային օրենսգրքի 5-րդ հոդվածով և հիմք ընդունելով ՀՀ կառավարության 2006 թվականի մայիսի 18-ի թիվ 912-Ն որոշմամբ հաստատված ինքնակամ կառույցների օրինականացման և տնօրինման կարգի 4-րդ գլխի պահանջները, 2006 թվականի մայիսի 18-ի թիվ 731-Ն որոշումը, Վարդան Գևորգի Հովհաննիսյանի 2023 թվականի հոկտեմբերի 23-ի դիմումը, ինչպես նաև հաշվի առնելով, որ Վարդան Գևորգի Հովհաննիսյանի կողմից Թալին համայնք Ն․Սասնաշեն բնակավայր 1-ին փողոց 6-րդ փակուղի 1/1 բնակելի տուն հասցեում գտնվող, 02-074-0037-0013 կադաստրային ծածկագրով համայնքային սեփականություն հանդիսացող բնակավայրերի նպատակային նշանակության, բնակելի կառուցապատման գործառնական նշանակության 1009 քմ հողամասում ինքնակամ կառուցված շինությունը՝ բնակելի տունը (բնակելի տան նկուղը, 1-ին հարկը և բ/հ-ն) կառուցված չէ ՀՀ հողային օրենսգրքի 60-րդ հոդվածի սահմանափակումների ցանկում ընդգրկված հողամասում, չի գտնվում ինժեներատեխնիկական, տրանսպորտային և այլ կոմունիկացիոն օբյեկտների օտարման գոտիներում, չի հակասում քաղաքաշինական նորմերին, չի առաջացնում հարկադիր սերվիտուտ պահանջելու իրավունք և դրա պահպանումը չի խախտում այլ անձանց իրավունքները.

ՈՐՈՇՈՒՄ ԵՄ՝

1.Կառուցապատող Վարդան Գևորգի Հովհաննիսյանի կողմից Արագածոտնի մարզ Թալին համայնք Ն․Սասնաշեն բնակավայր 1-ին փողոց 6-րդ փակուղի 1/1 բնակելի տուն հասցեում ինքնակամ զբաղեցրած՝ 02-074-0037-0013 կադաստրային ծածկագրով 1009 քմ բնակավայրերի նպատակային նշանակության, բնակելի կառուցապատման գործառնական նշանակության հողամասը և հողամասի վրա կառուցված 283․7 քմ արտաքին մակերեսով շինությունը՝ բնակելի տունը (բնակելի տան նկուղը, 1-ին հարկը և բ/հ-ն) ճանաչել օրինական գույք, որպես քաղաքացի Վարդան Գևորգի Հովհաննիսյանի սեփականություն և
-հողի արժեքը՝ (1000 քմ x 218)+(9 քմ x 654) = 223 886 (երկու հարյուր քսաներեք հազար ութ հարյուր ութսունվեց) ՀՀ դրամ:
-շինության արժեքը՝ (283․7 քմ x 1893) = 537 044 (հինգ հարյուր երեսունյոթ հազար քառասունչորս) ՀՀ դրամ:
-համայնքապետարանի կողմից գույքի գրանցման հետ կապված ծախսեր`38000 (երեսունութ հազար) ՀՀ դրամ,
-ընդամենը` 798 930 (յոթ հարյուր իննսունութ հազար ինը հարյուր երեսուն) ՀՀ դրամով օտարել Վարդան Գևորգի Հովհաննիսյանին:
2․Սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում որոշումը համարվում է ուժը կորցրած։
3.Սույն որոշումն ուժի մեջ է մտնում պաշտոնական հրապարակմանը հաջորդող օրվանից: