Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, ՀՀ հողային օրենսգրքի 5-րդ հոդվածով, և հիմք ընդունելով ՀՀ կառավարության 18.05.2006թ. N-912-Ն որոշմամբ հաստատված ինքնակամ կառույցների օրինականացման և տնօրինման կարգի 4-րդ գլխի պահանջները, 18.05.2006թ. N-731-Ն որոշումը, Պետրոս Պետրոսյանի կողմից 30.10.2023թ-ի դիմումը, ինչպես նաև հաշվի առնելով, որ Պետրոս Պետրոսյանի կողմից Թալին համայնքի, Արագածավան բնակավայրի Հոկտեմբերյան խճուղի, 2-րդ փակուղի 24 ավտոտնակ հասցեում, 02-016-0034-0681 կադաստրային ծածկագրով համայնքային սեփականություն հանդիսացող և բնակավայրի նպատակային նշանակության, բնակելի կառուցապատման գործառնական նշանակության 25քմ հողամասում ինքնակամ կառուցված շինությունները՝ ավտոտնակը կառուցված չէ ՀՀ հողային օրենսգրքի 60-րդ հոդվածի սահմանափակումների ցանկում ընդգրկված հողամասում, չի գտնվում ինժեներատեխնիկական, տրանսպորտային և այլ կոմունիկացիոն օբյեկտների օտարման գոտիներում, չի հակասում քաղաքաշինական նորմերին, չի առաջացնում հարկադիր սերվիտուտ պահանջելու իրավունք և դրա պահպանումը չի խախտում այլ անձանց իրավունքները.
ՈՐՈՇՈՒՄ ԵՄ՝
1.Կառուցապատող Պետրոս Պետրոսյանի կողմից Արագածոտնի մարզ, Թալին համայնք, Արագածավան բնակավայր, Հոկտեմբերյան խճուղի, 2-րդ փակուղի, 24 ավտոտնակ հասցեում ինքնակամ զբաղեցրած 02-016-0034-0681 ծածկագրով 25 քմ բնակավայրի նպատակային նշանակության, բնակելի կառուցապատման գործառնական նշանակության հողամասը և հողամասի վրա կառուցված ընդհանուր՝ 25քմ արտաքին մակերեսով շինությունը՝ ավտոտնակը ճանաչել օրինական գույք, որպես քաղաքացի Պետրոս Պետրոսյանի սեփականություն և
-հողի արժեքը՝ 25 քմ x 514,8 = 12870 (տասներկու հազար ութ հարյուր յոթանասուն) ՀՀ դրամ:
-ավտոտնակը –25քմ x874 =21850 (քսան մեկ հազար ութ հարյուր հիսուն) ՀՀ դրամ:
- համայնքապետարանի կողմից գույքի գրանցման հետ կապված ծախսեր`38000 (երեսունութ հազար) ՀՀ դրամ,
-ընդամենը` 72720 (յոթանասուներկու հազար յոթ հարյուր քսան) ՀՀ դրամով օտարել Պետրոս Պետրոսյանին:
2.Սույն որոշումն ուժի մեջ է մտնում վճարման անդորրագրերը ներկայացնելու օրվանից: