Այսօր Թալին համայնքի ղեկավար Տավրոս Սափեյանի գլխավորությամբ կայացավ 2026 թվականի առաջին աշխատանքային խորհրդակցությունը՝ համայնքապետարանի ղեկավար կազմի և բաժինների ղեկավարների մասնակցությամբ։

Խորհրդակցության մեկնարկին համայնքի ղեկավարը շնորհավորեց ներկաներին Նոր տարվա կապակցությամբ՝ մաղթելով արդյունավետ աշխատանք, համատեղ հաջողություններ և համայնքի զարգացմանն ուղղված նոր ձեռքբերումներ։

Քննարկվեցին համայնքի առկա խնդիրները, ընթացիկ աշխատանքների կատարման ընթացքը, ինչպես նաև առաջիկա ծրագրերն ու նախաձեռնությունները։ Տավրոս Սափեյանը ներկայացրեց տարվա հիմնական առաջնահերթություններն ու զարգացման նոր ուղղությունները՝ ընդգծելով համակարգված աշխատանքի և պատասխանատվության կարևորությունը։

Առանձնակի ուշադրություն դարձվեց այս օրերին իրականացվող ձնամաքրման և կոմունալ ծառայությունների աշխատանքներին՝ շեշտելով բնակչության անվտանգության և բարեկեցության ապահովման առաջնահերթությունը։

Թող 2026 թվականը լինի նպատակների իրագործման, արդյունավետ աշխատանքի և նոր ձեռքբերումների տարի՝ ի շահ Թալին համայնքի և նրա բնակիչների։