Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի առաջին մասի 21-րդ կետով, ՀՀ կառավարության 12.04.2001թ. N-286 որոշմամբ հաստատված «Պետական և համայնքային սեփականություն հանդիսացող հողամասերի տրամադրման կարգ»-ի 44-րդ կետի «Ը» - ենթակետով, հիմք ընդունելով 20.10.2012թ-ի ՀՀ Էներգետիկայի և բնական պաշարների նախարարության թիվ N ՇԱԹՎ-29/214 (նախկին 14/188) «Օգտակար հանածոների արդյունահանման թույլտվություն»-ը, ՀՀ Էներգետիկայի և բնական պաշարների նախարարության թիվ N LՎ-214 Լեռնահատկացման ակտը, «ՍԻՄ» ՍՊ ընկերության տնօրենի 20․08․2024թ-ի դիմումը և համայնքի ղեկավարի առաջարկությունը,
Թալին համայնքի ավագանին որոշում է`
1.Տալ համաձայնություն Թալին համայնքի Կաքավաձոր բնակավայրի վարչական տարածքում գտնվող համայնքային սեփականություն հանդիսացող 02-060-0011-0021 կադաստրային ծածկագրով՝ 2,482 հա մակերեսով հողամասը նպատակային նշանակությունը՝ արդյունաբերության, ընդերքօգտագործման և այլ արտադրական նշանակության, գործառնական նշանակությունը՝ Ընդերքի օգտագործման համար տրամադրված, վարձակալության իրավունքով տրամադրելու «ՍԻՄ» ՍՊԸ-ին։
2.«ՍԻՄ» ՍՊԸ-ի հետ կնքել վարձակալության պայմանագիր մինչև 07․06․2040 թվականը և փաստացի օգտագործվող հողամասի մեկ հեկտարի համար տարեկան սահմանել 400.000 /չորս հարյուր հազար/ ՀՀ դրամ վարձավճար, իսկ չօգտագործվող հողամասի մեկ հեկտարի համար տարեկան սահմանել 45.000 /քառասունհինգ հազար/ ՀՀ դրամ վարձավճար:
3.Սույն որոշումն ուժի մեջ է մտնում պաշտոնական հրապարակման հաջորդ օրվանից։