Ղեկավարվելով ՀՀ Քաղաքացիական օրենսգրքի 188-րդ հոդվածի 2-րդ մասի 2-րդ պարբերության 4-րդ մասով և հիմք ընդունելով ՀՀ կառավարության 2006թ. Մայիսի 18-ի 912-Ն որոշման հավելվածով նախատեսված կարգի 10-րդ, 11-րդ և 22-րդ կետերը, Ռաֆֆի Ղազարի Կիրակոսյանի կողմից 06.04.2026թ. Թալին համայնքի ղեկավարին ներկայացված դիմումը, 25.03.2026թ. «Հաշվառման (չափագրման) տվյալների մուտքագրման տեղեկանք»-ը՝ ծածկագիր 2026YUPUVE, և այն հանգամանքը, որ դիմումի առարկա հանդիսացող շինությունը՝ ինքնակամ կառուցված հացատունը կառուցված չէ քաղաքաշինական նորմերի ու կանոնների էական խախտումներով, չի գտնվում ինժեներատրանսպորտային օբյեկտների օտարման կամ անվտանգության գոտիներում, չի առաջացնում հարկադիր սերվիտուտ պահանջելու իրավունք, նաև դրա պահպանումը չի խախտում այլ անձանց իրավունքները և վտանգ չի ներկայացնում քաղաքացիների կյանքին ու առողջությանը,

ՈՐՈՇՈՒՄ ԵՄ՝

1․Թալին համայնք Կաքավաձոր բնակավայր 11-րդ փողոց 10 շինություն հասցեում գտնվող, համայնքային սեփականություն հանդիսացող 02-060-0029-0035 և 02-060-0029-0036 կադաստրային ծածկագրով հողամասից առանձնացված ընդհանուր 0.0471 հա մակերեսով բնակավայրերի նպատակային նշանակության, բնակելի կառուցապատման գործառնական նշանակության հողամասի վրա ինքնակամ կառուցված 25քմ արտաքին մակերեսով շինությունը՝ հացատունը ճանաչել օրինական գույք, որպես համայնքի սեփականություն:
2․Առաջարկել կառույցն իրականացրած Ռաֆֆի Ղազարի Կիրակոսյանին գնել օրինական ճանաչված ընդհանուր 25քմ արտաքին մակերեսով շինությունը՝ 1քմ-ի օտարման համար վճարելով 1262 (մեկ հազար երկու հարյուր վաթսուներկու) ՀՀ դրամ, իսկ 471քմ հողամասի 1քմ-ի օտարման համար վճարելով կադաստրային արժեքի չափով 218 (երկու հարյուր տասնութ) ՀՀ դրամ:
3․Սույն որոշումն ուժի մեջ է մտնում պաշտոնական հրապարակմանը հաջորդող օրվանից: