Թալին համայնքի ղեկավար Տավրոս Սափեյանս քննության առնելով «ԴԱՇՏԷՆԵՐԳՈ» ՍՊԸ-ի տնօրեն Վարդան Բաբիկյանի նկատմամբ «Վարչական իրավախախտումների վերաբերյալ» ՀՀ օրենսգրքի 154-րդ հոդվածի 2-րդ մասով նախատեսված առերևույթ խախտման կապակցությամբ 2026 թվականի հունվարի 29-ի որոշմամբ հարուցված վարչական իրավախախտման վերաբերյալ գործը՝
ՊԱՐԶԵՑԻ
Թալինի համայնքապետարանի վարչական իրավախախտումների գործերով հանձնաժողովը բնապահպանության և ընդերքի տեսչական մարմնից ստացված 2026 թվականի հունվարի 20-ի թիվ 01/30․2/2/277-2026 գրության հիման վրա կատարված ուսումնասիրության արդյունքում կազմել է վարչական իրավախախտման վերաբերյալ արձանագրություն և Թալինի համայնքապետարանի աշխատակազմի Քաղաքաշինության և հողաշինության բաժնի գլխավոր մասնագետ Գ․Սարգսյանի կողմից 29․01․2026թ․ ներկացվել է զեկուցագիր այն մասին, որ Թալին համայնքի Դաշտադեմ բնակավայրում գտնվող 02-035-0127-0018 կադաստրային ծածկագրով, վերը նշված ՍՊ ընկերությանը սեփականության իրավունքով պատկանող հողամասում կատարվել է շինարարական աշխատանքներ՝ (արևային վահանակների կրող կոնստրուկցային բետոնային հիմքեր), իսկ համայնքային սեփականություն հանդիսացող 02-035-0127-0001, 02-035-0127-0019 և 02-035-0127-0020 կադաստրային ծածկագրերով հաղամասերում կատարվել են հողհարթեցման աշխատանքներ առանց համայնքի ղեկավարից կառուցապատման թույլտվություն ստանալու։ Հարուցված վարչական իրավախախտման վերաբերյալ գործի վարույթի շրջանակներում 2026 թվականի հունվարի 30-ին, ժամը 12։00-ին հրավիրվել է գործի նյութերի քննութուն, որի վերաբերյալ պատշաճ ծանուցված ««ԴԱՇՏԷՆԵՐԳՈ» ՍՊ ընկերության տնօրենը և ներկայացուցիչը չեն ներկայացել, ինչպես նաև չեն ներկայացրել գրավոր դիրքորոշում։ Սակայն վարչական իրավախախտման վերաբերյալ 2026 թվականի հունվարի 26-ին կազմված արձանագրության մեջ տրված բացատրությամբ տնօրենի ներկայացուցիչ Վարդան Դադայանը ընդունել է իրավախախտում թույլ տալու հանգամանքը։ Ուսումնասիրելով վարչական իրավախախտման վերաբերյալ գործի նյութերը և քննությամբ ձեռք բերված փաստական հանգամանքները, հաստատված եմ համարում «ԴԱՇՏԷՆԵՐԳՈ» ՍՊ ընկերության տնօրեն Վարդան Բաբիկյանի կողմից ՀՀ ՎԻՎ օրենսգրքի 154-րդ հոդվածի 2-րդ մասով, վարչական իրավախախտում կատարելու փաստը: Ելնելով վերոգրյալից և ղեկավարվելով «Տեղական ինքնակառավարման մասին» ՀՀ օրենքի 42-րդ հոդվածի 1-ին կետի 8-րդ ենթակետով, «Քաղաքաշինության մասին» ՀՀ օրենքի 26-րդ հոդվածով, «Վարչական իրավախախտումների վերաբերյալ» ՀՀ օրենսգրքի 154-րդ հոդվածի 2-րդ մասով, 2191 հոդվածներով
ՈՐՈՇՈՒՄ ԵՄ՝
1․ «ԴԱՇՏԷՆԵՐԳՈ» ՍՊ ընկերության տնօրեն Վարդան Բաբիկյանի նկատմամբ նշանակել վարչական տույժ՝ տուգանք 100․000 /մեկ հարյուր հազար/ ՀՀ դրամի չափով։
2․Տույժը պետք է վճարվի իրավախախտողի կողմից Թալինի համայնքապետարանի 900465122209 հաշվեհամարին՝ վճարաման անդորագրի «Նպատակ» դաշտում պարտադիր նշելով սույն որոշման համարը։
3․Սույն որոշումն ուժի մեջ է մտնում Վարդան Բաբիկյանին այն սահմանված կարգով հանձնելու/ հանձնված համարվելու/ հաջորդող օրվանից։
4․Սույն որոշումը կարող է բողոքարկվել օրենքով սահմանված կարգով և ժամկետներում։