Ղեկավարվելով ՀՀ Քաղաքացիական օրենսգրքի 188-րդ հոդվածի 2-րդ մասի 2-րդ պարբերությամբ և 4-րդ մասով, ՀՀ կառավարության 2006թ. մայիսի 18-ի 912-Ն որոշման հավելվածով նախատեսված կարգի 10-րդ, 11-րդ և 22-րդ կետերով, հիմք ընդունելով Վահագն Թովմասյանի կողմից 20.03.2023թ. Թալին համայնքի ղեկավարին ներկայացված դիմումը, 11.03.2023թ. «Հաշվաոման (չափագրման) տվյալների մուտքագրման տեղեկանք»-ը ծածկագիր 20235SAQYC, և այն հանգամանքը, որ դիմումի առարկա հանդիսացող շինությունները՝ ինքնակամ կառուցված ավտոտնակը և մառանները կառուցված չեն քաղաքաշինական նորմերի ու կանոնների էական խախտումներով, չեն գտնվում ինժեներատրանսպորտային օբյեկտների օտարման կամ անվտանգության գոտիներում, չեն առաջացնում սերվիտուտ պահանջելու իրավունք, նաև դրանց պահպանումը չեն խախտում այլ անձանց իրավունքները և վտանգ չեն ներկայացնում քաղաքացիների կյանքին ու առողջությանը,
ՈՐՈՇՈՒՄ ԵՄ՝
1.Թալին քաղաքի Ռ․Միրոյան փողոց 8/17 հասցեում գտնվող, համայնքային սեփականություն հանդիսացող 152,8քմ մակերեսով բնակավայրերի նպատակային նշանակության (ծածկագիր՝ 02-003-0040-0084) բնակելի կառուցապատման գործառնական նշանակության հողամասի վրա ինքնակամ կառուցված ընդհանուր 82,66քմ արտաքին մակերեսով շինությունները՝ ավտոտնակը 29,69քմ և մառանները 52,97քմ ճանաչել օրինական գույք, որպես համայնքի սեփականություն:
2.Առաջարկել կառույցն իրականացրած Վահագն Թովմասյանին գնել օրինական ճանաչված 82,66քմ ընդհանուր մակերեսով շինությունները, ավտոտնակի 1քմ-ի օտարման համար վճարելով 1209 (մեկ հազար երկու հարյուր իննը) ՀՀ դրամ, մառանի 1քմ-ի համար՝ 2418 (երկու հազար չորս հարյուր տասնութ) ՀՀ դրամ, իսկ 152,8քմ հողամասի 1քմ-ի օտարման համար վճարելով կադաստրային արժեքի չափով 1221 (մեկ հազար երկու հարյուր քսանմեկ) ՀՀ դրամ:
3.Սույն որոշումն ուժի մեջ է մտնում պաշտոնական հրապարակմանը հաջորդող օրվանից: