Ղեկավարվելով «Տեղական ինքնակառավարման մասին» ՀՀ օրենքի 10-րդ հոդվածի 10-րդ կետով և Թալին համայնքի ավագանու 11.02.2025թ. N 03-Ն որոշմամբ հաստատված «Թալին համայնքի կամավոր խնդիրները ու դրանց լուծմանն ուղղված սեփական լիազորությունները սահմանելու և իրականացնելու կարգ»-ի 6-րդ կետի 1-ին ենթակետով 7-րդ կետի 1-ին ենթակետով և 8-րդ կետի 12-րդ ենթակետով, հիմք ընդունելով քաղաքացի Մարինե Մուրադյանի 29.09.2025թ. N 056/4330-1 դիմումը, համայնքի ղեկավարի 02.10.2025թ. N 275 կարգադրությամբ ստեղծված Լուսակն բնակավայրի բնակչուհի Մարինե Մուրադյանի տան վերանորոգման աշխատանքներն ուսումնասիրող հանձնաժողովի ուսումնասիրությունը, կամավոր խնդիրների լուծման նախաձեռնությունը ուսումնասիրող հանձնաժողովի 02.10.2025թ-ի եզրակացությունը և համայնքի ղեկավարի առաջարկությունը։ Հաշվի առնելով այն հանգամանքը, որ Լուսակն բնակավայրի բնակչուհի Մարինե Մուրադյանը հանդիսանում է տասը անչափահաս երեխաների մայր, գտնվում է սոցիալապես վատ վիճակում, ապրում է կենցաղային անբարենպաստ պայմաններում. Թալին համայնքի ավագանին որոշում է՝
1.Տալ համաձայնություն Լուսակն բնակավայրի բնակչուհի Մարինե Մուրադյանին տան և տանիքի վերանորոգման նպատակով, որպես սոցիալապես անապահով ընտանիքի 2 500 000 հազ.(երկու միլիոն հինգ հարյուր հազար) դրամի չափով` ֆինանսական աջակցություն տրամադրելու համար։
2.Սույն որոշումն ուժի մեջ է մտնում պաշտոնական հրապարակմանը հաջորդող օրվանից։ |