Այսօր Թալին համայնքի ղեկավար Տավրոս Սափեյանի գլխավորությամբ կայացավ աշխատանքային խորհրդակցություն, որին մասնակցում էին համայնքապետարանի ղեկավար կազմի և ոլորտային պատասխանատուների ներկայացուցիչները, ինչպես նաև Արագածավան բնակավայրի վարչական ղեկավար Ա․ Նազարյանը։
Խորհրդակցության ընթացքում մանրամասնորեն քննարկվեցին համայնքի բոլոր բնակավայրերին վերաբերող հիմնական հարցերը, առկա խնդիրներն ու դրանց կարգավորման հնարավորությունները։ Շեշտադրվեցին ընթացիկ բարեկարգման, ենթակառուցվածքների բարելավման, այդ թվում՝ Արագածավան բնակավայրի վարչական տարածքում աղբահանության և սանիտարական պահպանության կազմակերպման հարցերը, ինչպես նաև այլ ծրագրային աշխատանքների իրականացումը, դրանց ժամանակացույցն ու կատարման որակը։
Քննարկումների, պարզաբանումների և առաջարկությունների արդյունքներով Տավրոս Սափեյանը տվեց հանձնարարականներ՝ աշխատանքների համակարգման, արդյունավետության բարձրացման և համայնքային ծրագրերի հետևողական կատարման ուղղությամբ։
Հանձնարարականների իրականացումն ուղղված է համայնքային կառավարման որակի բարձրացմանը, բնակիչների առօրյա պայմանների բարելավմանը և մաքուր ու բարեկարգ միջավայրի ապահովմանը։
|