Թալինի համայնքապետարանում անցկացվեց աշխատանքային խորհրդակցություն՝ ուղղված համայնքային զարգացման օրակարգային հարցերի քննարկմանը․
Այսօր Թալին համայնքի ղեկավար Տավրոս Սափեյանի նախաձեռնությամբ կայացավ հերթական աշխատանքային խորհրդակցությունը, որին մասնակցում էին համայնքապետարանի ղեկավար կազմի ներկայացուցիչները, ինչպես նաև կառուցվածքային ստորաբաժանումների ղեկավարները։
Խորհրդակցության ընթացքում հանգամանալից վերլուծվեցին համայնքի առջև ծառացած հրատապ խնդիրները, ձևակերպվեցին զարգացման հեռանկարներն ու նախանշվեցին առաջիկա քայլերը՝ համայնքային ծառայությունների արդյունավետության բարձրացման և ընդհանուր բարեկեցության ապահովման նպատակով։
Քննարկման առանցքում էին տեղական ինքնակառավարման մի շարք առանցքային ուղղություններ՝ կոմունալ տնտեսություն, քաղաքաշինություն, իրավական և սոցիալական ոլորտ, մշակույթ, և այլ ուղղություններ։ Անդրադարձ կատարվեց նաև գարնանային սեզոնին բնորոշ աշխատանքներին, իրականացվող նախագծերին և կառուցապատման գործընթացներին։
Համայնքի ղեկավարը համապատասխան հանձնարարականներ տվեց պատասխանատու ստորաբաժանումներին՝ աշխատանքների կազմակերպման և վերահսկողության արդյունավետության ապահովման նպատակով։
|